Stock Market: ఏడాదిలో సెన్సెక్స్ @100000 మార్క్.. మోర్గాన్ స్టాన్లీ కీలక రిపోర్ట్!

స్టాక్ మార్కెట్: వచ్చే ఏడాదిలో సెన్సెక్స్ లక్ష మార్క్ తాకే అవకాశాలు – మోర్గాన్ స్టాన్లీ. భారత స్టాక్ మార్కెట్లు 2024 సెప్టెంబర్‌లో గరిష్ఠ స్థాయిలను త

స్టాక్ మార్కెట్: వచ్చే ఏడాదిలో సెన్సెక్స్ లక్ష మార్క్ తాకే అవకాశాలు – మోర్గాన్ స్టాన్లీ.
భారత స్టాక్ మార్కెట్లు 2024 సెప్టెంబర్‌లో గరిష్ఠ స్థాయిలను తాకిన తర్వాత ప్రస్తుతం అనిశ్చితి పరిస్థితులను ఎదుర్కొంటున్నాయి. అధిక వాల్యూయేషన్లు, అంతర్జాతీయ, దేశీయ పరిస్థితులు మార్కెట్లపై ప్రతికూల ప్రభావం చూపుతున్నాయి. అయితే ఈ పరిణామాలన్నీ దీర్ఘకాల పెట్టుబడిదారులకు మంచి అవకాశంగా మారతాయని గ్లోబల్ బ్రోకరేజ్ సంస్థ మోర్గాన్ స్టాన్లీ పేర్కొంది.
వారికీ అంచనాల ప్రకారం, వచ్చే 12 నెలల్లో సెన్సెక్స్ 100000 మార్క్‌ను తాకే అవకాశం 30 శాతంగా ఉంది. అయితే ప్రాథమిక లక్ష్యాన్ని 89,000గా పేర్కొంది. ఇది ప్రస్తుత స్థాయిలతో పోలిస్తే 8 శాతం ఎక్కువ.
మోర్గాన్ స్టాన్లీ ఈక్విటీ స్ట్రాటజిస్ట్ రిథమ్ దేశాయ్ మాట్లాడుతూ, “2026 జూన్ నాటికి సెన్సెక్స్ 89,000 చేరుతుందని అంచనా వేశాం. ఇది కొత్త ఆదాయ అంచనాలపై ఆధారపడి రూపొందించిన టార్గెట్. ఈ స్థాయిలో సెన్సెక్స్ 23.5x ట్రైలింగ్ P/E వద్ద ట్రేడవుతుంది. ఇది గత 25 ఏళ్ల సగటు 21x కంటే ఎక్కువే,” అన్నారు.
గత రెండు నెలల్లో అనేక అంతర్జాతీయ పరిణామాలు చోటుచేసుకున్నప్పటికీ, భారత స్టాక్ మార్కెట్లు స్థిరంగా ఉన్నాయి. రిటైల్ ఇన్వెస్టర్ల కొనుగోళ్లు మార్కెట్‌కు బలాన్ని అందిస్తున్నాయని తెలిపారు. విదేశీ పెట్టుబడులు గతంలో బలహీనంగానే ఉన్నప్పటికీ, ఇప్పుడు భారత్‌పై వారి దృక్పథం మారుతున్న సంకేతాలు ఉన్నాయని పేర్కొన్నారు.
సెన్సెక్స్ వృద్ధికి దారితీసే ముఖ్య కారణాలు:
బలమైన దేశీయ వృద్ధి,
అమెరికాలో వృద్ధి మందగించినా మాంద్యం లేకపోవడం,
చమురు ధరల్లో స్థిరత్వం,
భారత్-అమెరికా వాణిజ్య ఒప్పందంపై సానుకూలత,
వడ్డీ రేట్లలో 50 బేసిస్ పాయింట్ల కోత,
లిక్విడిటీ వాతావరణం అనుకూలంగా మారడం.
మోర్గాన్ స్టాన్లీ ప్రకారం, 2028 వరకూ సెన్సెక్స్ ఆదాయాలు సంవత్సరానికి సగటున 16.8% పెరుగుతాయి. కానీ వచ్చే ఏడాదిలోనే 100000 మార్క్ తాకాలంటే క్రూడ్ ఆయిల్ ధరలు $65 కంటే తక్కువగా ఉండాలి. అలాగే జీఎస్టీ రేట్లు తగ్గించాలి, వ్యవసాయ చట్టాల్లో పురోగతి, ఆదాయ వృద్ధి CAGR 19% ఉండాలి. అంతర్జాతీయ వాణిజ్య యుద్ధం తగ్గినా సానుకూల ప్రభావం ఉంటుంది.
అయితే సంస్థ హెచ్చరిక చేసింది – స్టాక్ మార్కెట్‌లో పెట్టుబడులు హై రిస్క్ కలిగినవే. కావున పెట్టుబడి చేయాలనుకునే వారు పూర్తిగా సమాచారం సేకరించి, ఎంచుకునే స్టాక్ గురించి అర్థం చేసుకుని ముందుకు వెళ్లాలి.