టారీఫ్ వివాదం – భారత్-అమెరికా సంబంధాల్లో ఉద్రిక్తతలు టారీఫ్ల పెంపుతో అమెరికా అధ్యక్షుడు డొనాల్డ్ ట్రంప్ పలు దేశాలపై ఒత్తిడి పెంచుతున్నారు. రష్యా నుం
టారీఫ్ వివాదం – భారత్-అమెరికా సంబంధాల్లో ఉద్రిక్తతలు
టారీఫ్ల పెంపుతో అమెరికా అధ్యక్షుడు డొనాల్డ్ ట్రంప్ పలు దేశాలపై ఒత్తిడి పెంచుతున్నారు. రష్యా నుంచి చమురు దిగుమతుల కారణంగా భారత్పై మొదట 25% టారీఫ్ విధించగా, అనంతరం దానిని 50%కి పెంచారు. ఈ నిర్ణయం అంతర్జాతీయ వేదికలపై చర్చనీయాంశంగా మారింది.
భారత ప్రభుత్వం ట్రంప్ చర్యను అన్యాయం, అసమంజసమైందని ఖండిస్తూ, దేశ ప్రయోజనాల కోసం అవసరమైన ప్రతి చర్య తీసుకుంటామని స్పష్టం చేసింది. ఉక్రెయిన్ యుద్ధం వల్ల అంతర్జాతీయ చమురు మార్కెట్లలో అనిశ్చితి నెలకొన్నందునే రష్యా నుంచి చమురు కొనుగోలు చేయాల్సి వస్తోందని వివరణ ఇచ్చింది. అయితే విపక్షాలు మాత్రం కేంద్రం తీరు వల్లే ఈ పరిస్థితి వచ్చిందని విమర్శలు గుప్పించాయి.
మోదీ సర్కార్ గట్టి ప్రతిస్పందన
ఈ పరిణామాల నేపథ్యంలో ప్రధానమంత్రి నరేంద్ర మోదీ అధ్యక్షతన కేంద్ర కేబినెట్ సమావేశం జరిగింది. ఇందులో అమెరికాకు గట్టి షాక్ ఇస్తూ, అమెరికా నుంచి ఆయుధాల కొనుగోళ్లు నిలిపివేయాలని నిర్ణయించింది.
-
రక్షణ మంత్రి రాజ్నాథ్ సింగ్ అమెరికా పర్యటనను రద్దు చేశారు.
-
యుద్ధ విమానాలు, క్షిపణుల కొనుగోళ్లు తాత్కాలికంగా నిలిపివేశారు.
-
ముఖ్యంగా F-35 ఫైటర్ జెట్లు కొనుగోలు చేయకపోవడమే ట్రంప్ టారీఫ్ పెంపు వెనుక కారణమని వాదనలు వినిపిస్తున్నాయి.
ఈ నిర్ణయం అమెరికాకు పెద్ద షాక్గా మారింది. ఇకపై ట్రంప్ ఎలా స్పందిస్తారన్నది అందరిలో ఆసక్తి రేపుతోంది.
కేబినెట్లో ఇతర కీలక నిర్ణయాలు
-
ప్రధానమంత్రి ఉజ్వల యోజన పథకాన్ని కొనసాగించేందుకు రూ.12,000 కోట్లు కేటాయింపు.
-
MERITE పథకం కింద సాంకేతిక విద్యాసంస్థల అభివృద్ధికి రూ.4,200 కోట్లు మంజూరు.
Digital Prime News – తాజా రాజకీయ, అంతర్జాతీయ, ఆర్థిక పరిణామాలపై పూర్తి సమాచారాన్ని అందించే మీ న్యూస్ డెస్టినేషన్.
Visit: www.digitalprimenews.in
Follow Us on Social Media:
YouTube: Digital Prime News
Facebook: Digital Prime News on Facebook
Twitter / X: @DigitalPrimeNews
Instagram: @digitalprimenews
COMMENTS