లార్డ్స్ టెస్ట్: భారత్ లక్ష్యం 193 | ఇంగ్లాండ్ 192 పరుగులకే ఆలౌట్.

లార్డ్స్ టెస్ట్: భారత్ లక్ష్యం 193 | ఇంగ్లాండ్ 192 పరుగులకే ఆలౌట్

లండన్, జూలై 13 (Digital Prime News):
లార్డ్స్ మైదానంలో జరుగుతున్న మూడో టెస్టులో భారత్ విజయం కేవలం 193 పరుగుల దూరంలో ఉంది. ఆతిథ్య ఇంగ్లాండ్ జట్టు తమ రెండో ఇన్నింగ్స్‌ను 192 పరుగులకు ముగించడంతో భారత్‌ లక్ష్యం సులభంగా కనిపిస్తోంది. ప్రస్తుతం టెస్టు సిరీస్‌ 1-1తో సమంగా ఉండగా, ఈ మ్యాచ్‌ను భారత్ గెలిచినట్లయితే సిరీస్‌లో 2-1 ఆధిక్యంలోకి దూసుకెళ్తుంది.

ఇంగ్లాండ్ బ్యాటింగ్‌ విఫలం – భారత బౌలర్ల అద్భుత ప్రదర్శన

ఓవర్‌నైట్ స్కోరు 2/0తో నాలుగో రోజు ఆట ప్రారంభించిన ఇంగ్లాండ్.. భారత పేస్, స్పిన్ దళాలకు తలవంచింది. సిరాజ్ ఆరంభంలో రెండు వికెట్లు పడగొట్టగా, వాషింగ్టన్ సుందర్ నాలుగు కీలక వికెట్లు తీసి ఇన్నింగ్స్‌కి మలుపు తిప్పాడు. బుమ్రా రెండు వికెట్లు, నితీశ్ కుమార్ రెడ్డి, ఆకాశ్ దీప్ ఒక్కొక్క వికెట్‌ దక్కించుకున్నారు.

జో రూట్, స్టోక్స్ కలిసి కాస్త నిరోధం చూపినప్పటికీ, సుందర్ అద్భుత బౌలింగ్‌తో వారిని వెనుదిరిపించడంతో ఇంగ్లాండ్ నిండుగా కుప్పకూలింది. టెయిలెండర్లను బుమ్రా, సుందర్ క్లీన్‌గా ఔట్ చేశారు.

ఇన్నింగ్స్ వివరాలు:

• ఇంగ్లాండ్ మొదటి ఇన్నింగ్స్ – 387 ఆలౌట్

• భారత్ మొదటి ఇన్నింగ్స్ – 387 ఆలౌట్

• ఇంగ్లాండ్ రెండో ఇన్నింగ్స్ – 192 ఆలౌట్

• భారత్ లక్ష్యం – 193 పరుగులు

భారత బౌలింగ్ హీరోలు:

• వాషింగ్టన్ సుందర్ – 4 వికెట్లు

• బుమ్రా – 2 వికెట్లు

• మహ్మద్ సిరాజ్ – 2 వికెట్లు

• ఆకాశ్ దీప్, నితీశ్ రెడ్డి – తలా 1 వికెట్

మరిన్ని  వార్తల కోసం ఇక్కడ క్లిక్ చేయండి..

Read latest Telangana News and Telugu News
Follow us on Facebook, Twitter, Instagram & YouTube .

40

SHARES

Share on Facebook

Post on X

Follow us