తెలంగాణ తొలి విడత సర్పంచ్ ఎన్నికల్లో వందల ఏకగ్రీవాలు నమోదయ్యాయి. 81,020 మంది అభ్యర్థులు బరిలో నిలిచిన ఎన్నికల తాజా గణాంకాలు ఇవే. Telangana Sarpanch E
తెలంగాణ తొలి విడత సర్పంచ్ ఎన్నికల్లో వందల ఏకగ్రీవాలు నమోదయ్యాయి. 81,020 మంది అభ్యర్థులు బరిలో నిలిచిన ఎన్నికల తాజా గణాంకాలు ఇవే.
Telangana Sarpanch Elections, Phase-I Polls: తెలంగాణలో పంచాయతీ ఎన్నికల హడావుడి వేడెక్కుతోంది. మొదటి విడత పోలింగ్కు ఇంకా కొద్ది రోజులు మాత్రమే ఉండగా, నామినేషన్ల ప్రక్రియ పూర్తయ్యింది. తాజా గణాంకాల ప్రకారం, తొలి విడతలోనే వందల సర్పంచ్ స్థానాలు ఏకగ్రీవం కావడం ఎన్నికల పరిణామాల్లో ప్రధాన చర్చనీయాంశంగా మారింది. రాష్ట్ర ఎన్నికల సంఘం వెల్లడించిన వివరాల ప్రకారం, తొలి దశలో సర్పంచ్, వార్డు సభ్యుల స్థానాల కోసం మొత్తం 81,020 మంది అభ్యర్థులు బరిలో నిలిచారు. ఇందులో 395 గ్రామాల్లో సర్పంచ్ పదవులు ఏకగ్రీవం కావడం ప్రాధాన్యత సంతరించుకుంది.
మొదటి విడతలో సర్పంచ్ పదవికి సగటున 3.42 మంది, వార్డు సభ్యుల పదవులకు 2.42 మంది పోటీ పడుతున్నారు. తొలి దశలో 4,236 గ్రామాల్లో పోలింగ్ జరగనుండగా, 8,095 మంది తమ నామినేషన్లను ఉపసంహరించుకున్నారు. ఇక ఐదు గ్రామాల్లో సర్పంచ్ స్థానాలకు ఒక్క నామినేషన్ కూడా దాఖలు కాలేదు. వీటిలో మంచిర్యాల జిల్లాలో మూడు, ఆసిఫాబాద్, నిర్మల్ జిల్లాల్లో ఒక్కో గ్రామం ఉన్నాయి. మిగిలిన 3,836 గ్రామాల్లో మొత్తం 13,127 మంది సర్పంచ్ అభ్యర్థులు పోటీ రంగంలో నిలిచారు.
వార్డు సభ్యుల స్థానాల విషయంలో 149 వార్డుల్లో నామినేషన్లు దాఖలు కాలేదు. అయితే 9,331 వార్డులు ఏకగ్రీవం కావడం ప్రత్యేకత. నామినేషన్లు దాఖలు చేసిన వారిలో 9,626 మంది ఉపసంహరణ చేసుకోగా, మొత్తం 67,893 మంది తుది పోటీలో ఉన్నారు. వార్డు సభ్యుల స్థానాలకు సగటున 2.42 మంది పోటీ పడుతున్నట్లు గణాంకాలు తెలుపుతున్నాయి. ఆసిఫాబాద్ జిల్లాలో అత్యధికంగా 41 వార్డుల్లో నామినేషన్లు దాఖలు కాలేదు. మంచిర్యాలలో 34 స్థానాలు ఖాళీగా ఉన్నాయి.
ఇక రెండో విడత పంచాయతీ ఎన్నికలు ఈ నెల 14న జరగనున్నాయి. రెండో దశలో 4,332 సర్పంచ్ స్థానాలకు 28,278 నామినేషన్లు దాఖలయ్యాయి. ఇందులో సగటున 6.5 మంది అభ్యర్థులు పోటీలో ఉన్నారు. ప్రధాన పార్టీల మద్దతుతో పెద్ద సంఖ్యలో అభ్యర్థులు బరిలో నిలవడంఈ విడత ప్రత్యేక ఆకర్షణగా మారింది. రెండో విడత నామినేషన్ల ఉపసంహరణకు గడువు డిసెంబర్ 6 వరకు ఉంది. అదే రోజు ఫలితాలు కూడా వెలువడతాయి.
ఇక మూడో విడత ఎన్నికల ప్రక్రియ కూడా వేగంగా సాగుతోంది. డిసెంబర్ 3 నుంచి ప్రారంభమైన మూడో దశ నామినేషన్ల దాఖలు శుక్రవారం (డిసెంబర్ 5)తో ముగియనుంది. డిసెంబర్ 6న పరిశీలన, 7–8 తేదీల్లో ఫిర్యాదుల స్వీకరణ, 9న ఉపసంహరణ గడువు ఉండగా, అదే రోజు తుది అభ్యర్థుల జాబితాను ప్రకటిస్తారు. మూడో దశ పోలింగ్ డిసెంబర్ 17న జరుగుతుంది. అదే రోజు సాయంత్రం ఫలితాలు వెల్లడించనున్నారు. ఈ మూడు దశల్లో ఎన్నికల ఉత్కంఠ కొనసాగుతుండడంతో రాష్ట్ర రాజకీయ వాతావరణం వేడెక్కింది.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS