చార్ధామ్ యాత్ర: ప్రతి హిందువు జీవితంలో ఒక్కసారైనా చేయాలనుకునే పవిత్ర యాత్ర. ఉత్తరాఖండ్లోని నాలుగు ముఖ్యమైన శైవ క్షేత్రాలైన కేదార్నాథ్, బద్రీనాథ్, గ
చార్ధామ్ యాత్ర: ప్రతి హిందువు జీవితంలో ఒక్కసారైనా చేయాలనుకునే పవిత్ర యాత్ర. ఉత్తరాఖండ్లోని నాలుగు ముఖ్యమైన శైవ క్షేత్రాలైన కేదార్నాథ్, బద్రీనాథ్, గంగోత్రి మరియు యమునోత్రిని దర్శించుకోవడం ఎంతో మంది భక్తుల కల.
ఏటా మే నెలలో ప్రారంభమయ్యే ఈ యాత్ర కోసం లక్షలాది మంది భక్తులు ఎదురుచూస్తుంటారు. ఈ సంవత్సరం కూడా ఈ నాలుగు క్షేత్రాలను దర్శించుకోవడానికి ఇప్పటికే భారీ సంఖ్యలో భక్తులు రిజిస్ట్రేషన్ చేసుకున్నారు.
ఈ నెల 30న (నేడు, ఏప్రిల్ 30) అక్షయ తృతీయ నుండి చార్ధామ్ యాత్ర అధికారికంగా ప్రారంభం కానుంది. గత ఏడాది దాదాపు 48 లక్షల మంది ఈ యాత్ర చేయగా, ఈసారి ఆ సంఖ్య 60 లక్షలకు చేరుకుంటుందని అంచనా వేస్తున్నారు.
క్షేత్రాల ప్రారంభ తేదీలు:
యమునోత్రి, గంగోత్రి: ఏప్రిల్ 30 నుండి తెరుచుకోనున్నాయి.
కేదార్నాథ్: మే 2 నుండి భక్తుల దర్శనానికి అందుబాటులోకి రానుంది.
బద్రీనాథ్: మే 4 నుండి భక్తుల సందర్శన కోసం తలుపులు తెరవనుంది.
యాత్ర క్రమం:
యమునోత్రి: చార్ధామ్ యాత్ర సాధారణంగా యమునోత్రి సందర్శనతో మొదలవుతుంది. ఇక్కడ యమునా నదిలో స్నానం చేయడం చాలా పవిత్రంగా భావిస్తారు. ఈ నదిలో స్నానం చేస్తే మోక్షం లభిస్తుందని భక్తులు నమ్ముతారు. ఆ తర్వాత యమునాదేవిని దర్శించుకుంటారు. ఇక్కడికి చేరుకోవడానికి సుమారు 6 కిలోమీటర్లు నడవాలి.
గంగోత్రి: చార్ధామ్ యాత్రలో రెండవ ముఖ్యమైన క్షేత్రం గంగోత్రి. ఇది సముద్ర మట్టానికి 3,048 మీటర్ల ఎత్తులో ఉంది. గంగా నదిలో స్నానం చేసిన తర్వాత గంగాదేవికి అంకితమైన ఈ ఆలయాన్ని దర్శించుకుంటారు.
కేదార్నాథ్: దేశంలోని 12 జ్యోతిర్లింగాలలో ఒకటైన కేదార్నాథ్ ఆలయాన్ని వేసవిలో మాత్రమే తెరుస్తారు. హిమాలయాల్లో మంచు ఎక్కువగా కురుస్తుండటంతో మిగతా కాలమంతా మూసివేస్తారు. పురాణాల ప్రకారం ఈ ప్రఖ్యాత ఆలయాన్ని పాండవులు నిర్మించారు. సముద్ర మట్టానికి 3,584 మీటర్ల ఎత్తులో ఉన్న ఈ ఆలయం మే 2న తెరుచుకోనుంది. మిగతా రోజుల్లో స్వామి విగ్రహాన్ని ఉఖిమత్లో ఉంచుతారు. ప్రస్తుతం ఆలయం తెరుచుకోనున్న నేపథ్యంలో శివుని విగ్రహాన్ని సోమవారం ఉఖిమత్లోని ఓంకారేశ్వర్ ఆలయం నుండి కేదార్నాథ్కు తీసుకువెళ్లారు. గర్హ్వాల్ హిమాలయాల్లోని కేదార్నాథ్కు చేరుకోవడానికి సుమారు నాలుగు రోజులు పడుతుంది.
బద్రీనాథ్: చార్ధామ్ యాత్రలో చివరిగా సందర్శించే ఆలయం బద్రీనాథ్. ఇక్కడ విష్ణువు బద్రినారాయణ రూపంలో కొలువై ఉన్నాడని భక్తులు విశ్వసిస్తారు. ఈ దేవాలయంలో వేదయుగం నాటి 3.3 అడుగుల ఎత్తైన నల్లరాతి విగ్రహం ఉంది. తొమ్మిదో శతాబ్దంలో ఈ ఆలయాన్ని పునరుద్ధరించినప్పటికీ, గర్భగుడిని మాత్రం అలాగే ఉంచారు. మే 4న తెరుచుకోనున్న ఈ ఆలయాన్ని ఈసారి దాదాపు 60 లక్షల మంది దర్శించుకుంటారని అంచనా వేస్తున్నారు. ఇందుకోసం ఉత్తరాఖండ్ ప్రభుత్వం అన్ని ఏర్పాట్లు చేస్తోంది.
COMMENTS