హైదరాబాద్ ప్రయాణికులకు భారతీయ రైల్వే బోర్డు శుభవార్త ప్రకటించింది. హైదరాబాద్ మరియు కాచిగూడ నుంచి తమిళనాడులోని ముఖ్య పుణ్యక్షేత్రాలు, పర్యాటక ప్రాంతాలక
హైదరాబాద్ ప్రయాణికులకు భారతీయ రైల్వే బోర్డు శుభవార్త ప్రకటించింది. హైదరాబాద్ మరియు కాచిగూడ నుంచి తమిళనాడులోని ముఖ్య పుణ్యక్షేత్రాలు, పర్యాటక ప్రాంతాలకు వెళ్లే రెండు ప్రత్యేక/వీక్లీ రైళ్లను రెగ్యులర్ సర్వీసులుగా మార్చాలని నిర్ణయించింది. ఈ ప్రతిపాదనలకు రైల్వే మంత్రిత్వ శాఖ ఆమోదం తెలపడంతో ప్రయాణికులకు మరింత మెరుగైన రైలు కనెక్టివిటీ అందుబాటులోకి రానుంది. ముఖ్యంగా దక్షిణ భారత పర్యటనలు, దేవాలయ దర్శనాలకు వెళ్లే భక్తులకు ఈ నిర్ణయం ప్రయోజనకరంగా మారనుంది.
ఇప్పటి వరకు కాచిగూడ నుంచి మధురై వరకు మాత్రమే నడుస్తున్న ప్రత్యేక రైలును తూత్తుకుడి (ట్యుటికోరిన్) వరకు పొడిగించారు. 07191/07192 కాచిగూడ–మధురై స్పెషల్ ఎక్స్ప్రెస్కు రెగ్యులర్ నంబర్లు కేటాయించి 17615/17616 కాచిగూడ–తూత్తుకుడి ఎక్స్ప్రెస్గా మార్చారు. ప్రతి సోమవారం మధ్యాహ్నం 3 గంటలకు కాచిగూడ నుంచి బయలుదేరే 17615 ఎక్స్ప్రెస్ మరుసటి రోజు రాత్రి 10:45 గంటలకు తూత్తుకుడి చేరుకుంటుంది. తిరుగు ప్రయాణంలో 17616 ఎక్స్ప్రెస్ ప్రతి బుధవారం ఉదయం 7:45 గంటలకు తూత్తుకుడి నుంచి బయలుదేరి గురువారం మధ్యాహ్నం 1:25 గంటలకు కాచిగూడ చేరుకుంటుంది.
ఈ రైలు షాద్నగర్, జడ్చర్ల, మహబూబ్నగర్, గద్వాల్, కర్నూలు సిటీ, గుత్తి, అనంతపురం, ధర్మవరం, చిత్తూరు, కాట్పాడి, తిరువణ్ణామలై, కుంభకోణం, తంజావూరు, తిరుచిరాపల్లి, మధురై తదితర ముఖ్య స్టేషన్ల మీదుగా రాకపోకలు సాగిస్తుంది. దీంతో తెలంగాణ, ఆంధ్రప్రదేశ్, తమిళనాడు రాష్ట్రాల మధ్య ప్రయాణం మరింత సులభతరం కానుంది.
అదే సమయంలో హైదరాబాద్–కన్యాకుమారి మధ్య నడుస్తున్న 07229/07230 ప్రత్యేక రైలును కూడా రెగ్యులర్ సర్వీస్గా మార్చారు. ఈ రైళ్లకు 17069/17070 నంబర్లు కేటాయించారు. ప్రతి బుధవారం సాయంత్రం 5:20 గంటలకు హైదరాబాద్ నుంచి బయలుదేరే 17069 ఎక్స్ప్రెస్ రెండో రోజు వేకువజామున 2:30 గంటలకు కన్యాకుమారి చేరుకుంటుంది. తిరుగు ప్రయాణంలో 17070 ఎక్స్ప్రెస్ ప్రతి శుక్రవారం తెల్లవారు జామున 5:15 గంటలకు కన్యాకుమారి నుంచి బయలుదేరి మరుసటి రోజు మధ్యాహ్నం 2:30 గంటలకు హైదరాబాద్ చేరుకుంటుంది.
ఈ రైలు సికింద్రాబాద్, నల్గొండ, గుంటూరు, నెల్లూరు, తిరుపతి, చిత్తూరు, తిరువణ్ణామలై, చిదంబరం, తంజావూరు, మధురై, తిరునెల్వేలి, నాగర్కోయిల్ వంటి పలు ముఖ్య పట్టణాల మీదుగా ప్రయాణిస్తుంది. రైల్వే బోర్డు తీసుకున్న ఈ నిర్ణయం దక్షిణ భారత తీర్థయాత్రలు, పర్యాటక ప్రయాణాలు మరియు కుటుంబ ప్రయాణాలకు భారీ ఊరట కలిగించనుందని ప్రయాణికులు అభిప్రాయపడుతున్నారు.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS