ధరణి అక్రమాలపై సిట్ ఏర్పాటు, బుల్లెట్ ట్రైన్ అలైన్మెంట్, నీటిపారుదల ప్రాజెక్టులు, ఇందిరమ్మ ఇళ్లపై తెలంగాణ క్యాబినెట్ కీలక నిర్ణయాలు తీసుకుంది. తెలంగ
ధరణి అక్రమాలపై సిట్ ఏర్పాటు, బుల్లెట్ ట్రైన్ అలైన్మెంట్, నీటిపారుదల ప్రాజెక్టులు, ఇందిరమ్మ ఇళ్లపై తెలంగాణ క్యాబినెట్ కీలక నిర్ణయాలు తీసుకుంది.
తెలంగాణ ముఖ్యమంత్రి రేవంత్ రెడ్డి అధ్యక్షతన సచివాలయంలో జరిగిన రాష్ట్ర మంత్రివర్గ సమావేశంలో పలు కీలక నిర్ణయాలు తీసుకున్నారు. దాదాపు మూడు గంటలపాటు సాగిన ఈ సమావేశంలో ధరణి పోర్టల్లో జరిగిన అక్రమాలపై ప్రత్యేక దర్యాప్తు బృందం (SIT) ఏర్పాటు చేయాలని ప్రభుత్వం నిర్ణయించింది. ధరణి ప్రారంభమైన నాటి నుంచి ఇప్పటివరకు జరిగిన భూ రికార్డుల మార్పులు, మ్యుటేషన్లు, ప్రభుత్వ భూముల లావాదేవీలు, అసైన్డ్, వక్ఫ్, దేవాదాయ భూములకు సంబంధించిన అంశాలపై సమగ్ర విచారణ చేపట్టాలని క్యాబినెట్ ఆమోదం తెలిపింది.
ధరణి అక్రమాలపై సిట్ ద్వారా వాస్తవాలను వెలికితీసి, అక్రమాలకు పాల్పడిన వారిపై చట్టపరమైన చర్యలు తీసుకోవాలని ప్రభుత్వం నిర్ణయించింది. అవసరమైతే మాజీ అధికారులు, సంబంధిత బాధ్యులకు నోటీసులు జారీ చేయడంతో పాటు రాష్ట్రవ్యాప్తంగా ఫిర్యాదులు, సంబంధిత పత్రాల పరిశీలన చేపట్టనుంది. సాంకేతిక నిపుణుల సహకారంతో భూ రికార్డుల విశ్లేషణ జరిపి అక్రమంగా లబ్ధి పొందిన వారిపై కేసులు నమోదు చేయడానికి ప్రభుత్వం సిద్ధమైంది.
ఇదే సమావేశంలో దేవాదుల, చిన్న కాళేశ్వరం, పాలమూరు-రంగారెడ్డి, సీతారామ ప్రాజెక్టుల అంచనా వ్యయాలను పెంచేందుకు క్యాబినెట్ ఆమోదం తెలిపింది. సంగారెడ్డి జిల్లా పఠాన్చెరులో ఇందిరమ్మ ఇళ్ల నిర్మాణానికి భూమి కేటాయింపునకు గ్రీన్ సిగ్నల్ ఇచ్చింది. అలాగే బుల్లెట్ ట్రైన్ అలైన్మెంట్ మార్పును కూడా మంత్రివర్గం ఆమోదించింది. జగిత్యాల జిల్లాలోని ప్రభుత్వ డిగ్రీ కళాశాలలో ఖాళీగా ఉన్న పలు పోస్టుల భర్తీకి కూడా అనుమతి ఇచ్చింది.
గ్రామ పంచాయతీల ఆర్థిక స్వయం సమృద్ధిని పెంచే దిశగా తెలంగాణ పంచాయతీ రాజ్ చట్టం–2018లో సవరణకు కూడా క్యాబినెట్ ఆమోదం తెలిపింది. గ్రామ పంచాయతీల సొంత ఆదాయం ఇకపై ట్రెజరీకి కాకుండా నేరుగా ఆయా గ్రామ పంచాయతీల బ్యాంకు ఖాతాల్లో జమయ్యేలా చట్ట సవరణ చేపట్టనున్నారు. దీనికి సంబంధించిన ఆర్డినెన్స్ను ప్రభుత్వం త్వరలో జారీ చేసే అవకాశం ఉంది. ఈ నిర్ణయాలు రాష్ట్ర పరిపాలన, భూ వ్యవస్థ, గ్రామీణాభివృద్ధి, మౌలిక వసతుల రంగాల్లో కీలక మార్పులకు దారి తీసే అవకాశాలు కనిపిస్తున్నాయి.
ఈ వార్తలు కూడా చదవండి..
సోనమ్ వాంగ్చుక్ను ఆస్పత్రికి తరలించిన పోలీసులు.. జంతర్ మంతర్ వద్ద ఉద్రిక్తత
ఏపీ లిక్కర్ కేసులో ఈడీ దూకుడు.. రూ.195 కోట్ల అక్రమాలపై కీలక గుర్తింపులు!
హైదరాబాద్లో నీటి కష్టాలు.. కొండాపూర్లో ట్యాంకర్లపైనే ఆధారం!
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS