హైదరాబాద్: బీఆర్కే భవన్ వద్ద ఉద్రిక్తత – కేసీఆర్కు మద్దతుగా బీఆర్ఎస్ కార్యకర్తల ఆందోళన. తెలంగాణ రాజధాని హైదరాబాద్లోని BRK భవన్ వద్ద బుధవారం ఉదయం
హైదరాబాద్: బీఆర్కే భవన్ వద్ద ఉద్రిక్తత – కేసీఆర్కు మద్దతుగా బీఆర్ఎస్ కార్యకర్తల ఆందోళన.
తెలంగాణ రాజధాని హైదరాబాద్లోని BRK భవన్ వద్ద బుధవారం ఉదయం తీవ్ర ఉద్రిక్తత నెలకొంది. కాళేశ్వరం ప్రాజెక్టు విచారణలో మాజీ ముఖ్యమంత్రి కేసీఆర్ హాజరైన నేపథ్యంలో, ఆయనకు మద్దతుగా పెద్ద ఎత్తున బీఆర్ఎస్ కార్యకర్తలు భవన్ వద్దకు తరలివచ్చారు.
మెయిన్ గేట్ వద్ద భారీ గుమికూడింపు:
బీఆర్ఎస్ జెండాలతో, నినాదాలతో కార్యకర్తలు “కేసీఆర్ ముద్దుబిడ్డ”, “తెలంగాణ కోసం చేసిన పోరాటం మరువలేం” అంటూ గట్టిగాఆవాజెత్తారు. కార్యకర్తలు లోపలికి వెళ్లేందుకు ప్రయత్నించగా, పోలీసులు వారిని అడ్డుకున్నారు. దీంతో స్వల్పంగా తోపులాట చోటుచేసుకుంది.
పోలీసుల భారీ బందోబస్తు:
ఘటనా స్థలానికి ముందుగానే భారీగా పోలీసు బలగాలను మోహరించారు. ప్రజల రాకపోకలకు అంతరాయం కలగకుండా ట్రాఫిక్ను మళ్లించారు. కార్యకర్తలు నియంత్రణలోకి రాకపోతే అరెస్టులు కూడా చేయవచ్చని సమాచారం. భద్రతా దృష్ట్యా BRK భవన్ చుట్టూ 144 సెక్షన్ అమలు చేశారు.
కేసీఆర్ విచారణ నేపథ్యం:
ఈ ఉద్రిక్తతలకు నేపథ్యం – కాళేశ్వరం లిఫ్ట్ ఇరిగేషన్ ప్రాజెక్టుపై జరుగుతున్న విచారణ. ఈ నేపథ్యంలో కేసీఆర్ ఈరోజు PC ఘోష్ కమిషన్ ముందు హాజరయ్యారు. ఈ పరిణామాల నేపథ్యంలో ఆయనకు మద్దతుగా కార్యకర్తలు భారీగా రావడం గమనార్హం.
COMMENTS