ఈనెల 13 నుంచి పాలిసెట్ పరీక్షలు!

పాలీసెట్ 2025 పరీక్షల సమాచారం
తెలంగాణ రాష్ట్రంలో ప్రభుత్వ, ప్రైవేట్ పాలిటెక్నిక్ లలో 3 సంవత్సరాల ఇంజనీరింగ్, నాన్ ఇంజనీరింగ్ డిప్లొమా కోర్సులతో పాటు వ్యవసాయ, ఉద్యానవన, వెటర్నరీ డిప్లొమా కోర్సులలో ప్రవేశం కోసం నిర్వహించే పాలీసెట్-2025 పరీక్షలు మే 13వ తేదీ మంగళవారం నాడు జరగనున్నాయి.
పరీక్ష తేదీ: మే 13, 2025 (మంగళవారం)
పరీక్ష సమయం: ఉదయం 11:00 నుండి మధ్యాహ్నం 1:30 వరకు
హాజరయ్యే అభ్యర్థులు: 1,06,716 మంది
పరీక్ష కేంద్రాలు: 276 కేంద్రాలు
రిపోర్టింగ్ సమయం: పరీక్ష సమయం కంటే ఒక గంట ముందుగా, అనగా ఉదయం 10:00 గంటలకే పరీక్షా కేంద్రానికి చేరుకోవాలి. 10:00 గంటలలోపు వచ్చి OMR షీట్ వివరాలను పూర్తి చేయాలి.
తప్పనిసరిగా తీసుకెళ్లాల్సినవి: బ్లాక్ పెన్సిల్, ఏరేసర్, బ్లూ లేదా బ్లాక్ బాల్ పెన్.
ఆలస్య ప్రవేశం: ఉదయం 11:00 గంటల తర్వాత ఒక్క నిమిషం ఆలస్యం అయినా పరీక్ష కేంద్రంలోకి అనుమతించబడదు.
హాల్ టికెట్ పై ఫోటో లేనివారు: ఒక పాస్ పోర్ట్ సైజు ఫోటో మరియు ఏదైనా ID ప్రూఫ్ (ఆధార్ కార్డు వంటిది) తప్పనిసరిగా తీసుకెళ్లాలి.
నిషేధిత వస్తువులు: సెల్ ఫోన్లు లేదా ఇతర ఎలక్ట్రానిక్ వస్తువులు పరీక్ష కేంద్రంలోకి అనుమతించబడవు.
పరీక్ష విధానం:
ఇంజనీరింగ్ డిప్లొమా కోర్సుల కోసం: గణితం (60 మార్కులు), భౌతిక శాస్త్రం (30 మార్కులు), రసాయన శాస్త్రం (30 మార్కులు) – మొత్తం 120 మార్కులు.
వ్యవసాయ, ఉద్యానవన, వెటర్నరీ డిప్లొమా కోర్సుల కోసం: గణితం (60 మార్కులు), భౌతిక శాస్త్రం (30 మార్కులు), రసాయన శాస్త్రం (30 మార్కులు), జీవశాస్త్రం (30 మార్కులు) – మొత్తం 150 మార్కులు.

40

SHARES

Share on Facebook

Post on X

Follow us