గచ్చిబౌలి ఐఐఐటీ జంక్షన్ వద్ద ఫ్లైఓవర్, అండర్పాస్ నిర్మాణ పనుల కారణంగా జులై 1 నుంచి మూడు నెలలపాటు ట్రాఫిక్ ఆంక్షలు అమల్లోకి రానున్నాయి. హైదరాబాద్ నగర
గచ్చిబౌలి ఐఐఐటీ జంక్షన్ వద్ద ఫ్లైఓవర్, అండర్పాస్ నిర్మాణ పనుల కారణంగా జులై 1 నుంచి మూడు నెలలపాటు ట్రాఫిక్ ఆంక్షలు అమల్లోకి రానున్నాయి.
హైదరాబాద్ నగరంలో ట్రాఫిక్ రద్దీని తగ్గించేందుకు చేపట్టిన బహుళ అంతస్తుల ఫ్లైఓవర్, అండర్పాస్ నిర్మాణ పనులను వేగవంతం చేయడానికి సైబరాబాద్ ట్రాఫిక్ పోలీసులు కీలక నిర్ణయం తీసుకున్నారు. గచ్చిబౌలి ఐఐఐటీ జంక్షన్ పరిసరాల్లో జులై 1 నుంచి ప్రత్యేక ట్రాఫిక్ ఆంక్షలు అమలు చేయనున్నట్లు ప్రకటించారు. ఈ మేరకు డీఎల్ఎఫ్ గేట్ నంబర్-1 నుంచి గచ్చిబౌలి ట్రాఫిక్ పోలీస్ స్టేషన్ వరకు ఉన్న రహదారిని మూడు నెలలపాటు పూర్తిగా మూసివేయనున్నారు.
అధికారుల ప్రకారం నిర్మాణ పనులు సుమారు ఏడాది పాటు కొనసాగనున్నాయి. అయితే తొలి దశలో ప్రధాన నిర్మాణ కార్యకలాపాల కోసం మూడు నెలలపాటు ట్రాఫిక్ మళ్లింపులు అమలు చేయనున్నారు. గచ్చిబౌలి, ఐఐఐటీ, డీఎల్ఎఫ్, ఫైనాన్షియల్ డిస్ట్రిక్ట్ ప్రాంతాల్లోని ఐటీ కంపెనీలకు వెళ్లే ఉద్యోగులు ముందుగానే ప్రత్యామ్నాయ మార్గాలను ఎంచుకోవాలని సైబరాబాద్ పోలీస్ కమిషనర్ ఎం. రమేష్ సూచించారు.
ర్యాడిసన్ హోటల్ వైపు నుంచి ఐఐఐటీ జంక్షన్కు వచ్చే వాహనాలను డీఎల్ఎఫ్ గేట్ నంబర్-1 వరకు మాత్రమే అనుమతిస్తారు. అక్కడి నుంచి ముందుకు వెళ్లే అవకాశం ఉండదు. ప్రయాణికులు గచ్చిబౌలి జంక్షన్, ఇందిరానగర్ మార్గం ద్వారా ఐఐఐటీ జంక్షన్ చేరుకోవాల్సి ఉంటుంది. టీసీఎస్ నాన్-ఎస్ఈజడ్ (సీఎంసీ) గేట్ ద్వారా రాకపోకలు సాగించే ఉద్యోగులకు ప్రస్తుతం ఉన్న ప్రవేశ, నిష్క్రమణ మార్గాలనే కొనసాగించేలా ఏర్పాటు చేశారు.
అదేవిధంగా లింగంపల్లి వైపు నుంచి డీఎల్ఎఫ్ రోడ్డుకు వెళ్లే వాహనాలను గచ్చిబౌలి ట్రాఫిక్ పోలీస్ స్టేషన్ వద్ద మళ్లిస్తారు. అక్కడి నుంచి ఐఐఐటీ జంక్షన్, గచ్చిబౌలి జంక్షన్, ర్యాడిసన్ జంక్షన్ మీదుగా డీఎల్ఎఫ్ ప్రాంతానికి చేరుకోవాల్సి ఉంటుంది. ట్రాఫిక్ రద్దీని దృష్టిలో ఉంచుకుని ప్రజలు ముందుగానే తమ ప్రయాణ ప్రణాళికలను రూపొందించుకోవాలని అధికారులు సూచించారు.
ఈ వార్తలు కూడా చదవండి…
నేడు మాదాపూర్లో ట్రాఫిక్ మళ్లింపు.. వాహనదారులకు పోలీసుల అలర్ట్
హల్దియా రిఫైనరీలో భారీ అగ్నిప్రమాదం.. 15 మందికి గాయాలు
ఆర్టీజీఎస్పై చంద్రబాబు స్పెషల్ ఫోకస్.. అధికారులకు కీలక ఆదేశాలు
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenew
COMMENTS