హైదరాబాద్ లులు మాల్లో ఫుడ్ సేఫ్టీ అధికారుల తనిఖీల్లో కుళ్లిన కూరగాయలు, పురుగులు పట్టిన పిండి పదార్థాలు గుర్తింపు. Lulu Mall Hyderabad లో ఫుడ్ సేఫ్టీ
హైదరాబాద్ లులు మాల్లో ఫుడ్ సేఫ్టీ అధికారుల తనిఖీల్లో కుళ్లిన కూరగాయలు, పురుగులు పట్టిన పిండి పదార్థాలు గుర్తింపు.
Lulu Mall Hyderabad లో ఫుడ్ సేఫ్టీ అధికారుల ఆకస్మిక తనిఖీలు సంచలనం సృష్టించాయి. హైదరాబాద్లోని KPHB ప్రాంతంలో ఉన్న ప్రముఖ లులు మాల్లో కొనుగోలు చేసిన మిక్చర్ ప్యాకెట్లో ఫ్రైడ్ బల్లి వచ్చిందంటూ సోషల్ మీడియాలో వీడియో వైరల్ కావడంతో అధికారులు రంగంలోకి దిగారు. ఈ ఫిర్యాదుల నేపథ్యంలో తెలంగాణ ఫుడ్ సేఫ్టీ విభాగం మాల్లోని హైపర్ మార్కెట్, ఇన్హౌస్ కిచెన్, బఫెట్ ఏరియాల్లో విస్తృత సోదాలు నిర్వహించింది.
తనిఖీల్లో బయటపడిన విషయాలు అధికారులను సైతం షాక్కు గురిచేశాయి. వంటగది పరిసరాల్లో తీవ్ర పరిశుభ్రత లోపాలు ఉన్నట్లు గుర్తించారు. నిల్వ ఉంచిన కూరగాయలు కుళ్లిపోయి ఉండటం, ఫ్రిజ్లలో పాడైన ఆహారం నిల్వ చేయడం, వంటగది ప్రాంతాల్లో పురుగులు తిరగడం వంటి పరిస్థితులు కనిపించాయి. అధికారులు వెంటనే పాడైన ఆహార పదార్థాలను అక్కడికక్కడే తొలగించారు.
రిటైల్ సెక్షన్లో శనగపిండి, గోధుమపిండి, పప్పుధాన్యాల్లో పురుగులు పట్టినట్లు గుర్తించారు. కొన్ని ప్యాకెట్లపై గడువు తేదీలు మార్పులు చేసినట్లు అనుమానాలు వ్యక్తమయ్యాయి. అలాగే FSSAI లైసెన్స్ గడువు ముగిసిన ఉత్పత్తులు కూడా విక్రయానికి ఉంచినట్లు అధికారులు గుర్తించారు. పలు ఆహార పదార్థాలపై తయారీదారు వివరాలు, పోషక విలువలు, లైసెన్స్ సమాచారం లేకపోవడం కూడా నిబంధనల ఉల్లంఘనగా తేలింది.
బఫెట్ ఏరియాలో పరిస్థితి మరింత ఆందోళనకరంగా ఉన్నట్లు అధికారులు వెల్లడించారు. మాంసం వ్యర్థాలతో డ్రైనేజీలు పూర్తిగా మూసుకుపోయి తీవ్ర దుర్వాసన వస్తోందని గుర్తించారు. ఇది ప్రజారోగ్యానికి ప్రమాదకరమని అధికారులు హెచ్చరించారు.
సుమారు 150 కిలోల పాడైన ఆహార పదార్థాలను అధికారులు సీజ్ చేసి ధ్వంసం చేశారు. పురుగులు పట్టిన పిండి పదార్థాలు, అనుమానాస్పద ఆహార నమూనాలను ల్యాబ్ పరీక్షల కోసం పంపించారు. వినియోగదారులు ఆహార పదార్థాలు కొనుగోలు చేసే సమయంలో గడువు తేదీలు, ప్యాకింగ్, నాణ్యత తప్పనిసరిగా పరిశీలించాలని అధికారులు సూచించారు.
ఈ వార్తలు కూడా చదవండి…
బండి సంజయ్ పిటిషన్లో కీలక ట్విస్ట్.. బాధితురాలు మైనర్ అన్న అంగీకారం?
జలమండలి జీఎం ఇంటిపై ఏసీబీ దాడులు.. కోట్ల ఆస్తులు వెలుగులోకి
హైదరాబాద్ నుంచి ముంబైకి 3 గంటల్లోనే.. బుల్లెట్ ట్రైన్ DPR సిద్ధం
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS