కర్ణాటకలో వివాహేతర సంబంధం కారణంగా భర్త, మాజీ జవాన్ మామను కోడలు ప్రియుడితో కలిసి హత్య చేసిన ఘటన సంచలనం రేపుతోంది. కర్ణాటకలోని బెల్లారం పల్లిలో జరిగిన
కర్ణాటకలో వివాహేతర సంబంధం కారణంగా భర్త, మాజీ జవాన్ మామను కోడలు ప్రియుడితో కలిసి హత్య చేసిన ఘటన సంచలనం రేపుతోంది.
కర్ణాటకలోని బెల్లారం పల్లిలో జరిగిన డబుల్ మర్డర్ కేసు స్థానికంగా సంచలనం రేపింది. వివాహేతర సంబంధం కారణంగా భర్తతో పాటు మాజీ జవాన్ అయిన మామను కోడలు హత్య చేయించిన ఘటన కలకలం సృష్టించింది. పోలీసులు తెలిపిన వివరాల ప్రకారం.. భానుప్రియ అనే మహిళకు అదే ప్రాంతానికి చెందిన వ్యాన్ డ్రైవర్ పూవరసన్తో కొంతకాలంగా వివాహేతర సంబంధం కొనసాగుతోంది. ఈ విషయం గ్రామంలో చర్చనీయాంశంగా మారి చివరకు ఆమె భర్త మాదేశ్ చెవిన పడింది. దీంతో బయట ప్రాంతంలో పనిచేస్తున్న మాదేశ్ హుటాహుటిన గ్రామానికి వచ్చి భార్యను నిలదీశాడు.
భర్త మందలించిన విషయాన్ని భానుప్రియ తన ప్రియుడు పూవరసన్కు చెప్పడంతో ఇద్దరూ కలిసి దారుణ హత్యలకు ప్లాన్ చేసినట్లు పోలీసులు అనుమానిస్తున్నారు. అదే రోజు రాత్రి పూవరసన్ కత్తితో ఇంటికి చేరుకుని మాదేశ్పై దాడి చేశాడు. భర్త కేకలు విని బయటకు వచ్చిన మామ సెల్లప్పను కూడా వారు వదల్లేదు. మాజీ జవాన్ అయిన సెల్లప్పను కత్తులతో దాడి చేసి హత్య చేశారు. అనంతరం నేరాన్ని దాచిపెట్టేందుకు ఇద్దరి మృతదేహాలను వ్యాన్లో తీసుకెళ్లి పెట్రోల్ పోసి తగలబెట్టినట్లు పోలీసులు వెల్లడించారు.
ఈ ఘటనపై కేసు నమోదు చేసిన పోలీసులు భానుప్రియ, పూవరసన్లను అదుపులోకి తీసుకుని విచారణ చేపట్టారు. కుటుంబ కలహాలు, వివాహేతర సంబంధాలు ఎంత దారుణ పరిణామాలకు దారి తీస్తాయో ఈ ఘటన మరోసారి చూపించింది. గ్రామస్తులు కూడా ఈ హత్యలపై తీవ్ర ఆగ్రహం వ్యక్తం చేస్తున్నారు. పోలీసులు మరిన్ని ఆధారాలు సేకరిస్తూ కేసును లోతుగా దర్యాప్తు చేస్తున్నారు.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime News తో కలసి ఉండండి!
COMMENTS