తెలంగాణలో పర్యాటక రంగ అభివృద్ధిపై సీఎం రేవంత్ రెడ్డి కీలక ఆదేశాలు జారీ చేశారు. తారామతి బారాదరి, దుర్గం చెరువు, వికారాబాద్, ఎకో టూరిజం ప్రాజెక్టులకు ప్
తెలంగాణలో పర్యాటక రంగ అభివృద్ధిపై సీఎం రేవంత్ రెడ్డి కీలక ఆదేశాలు జారీ చేశారు. తారామతి బారాదరి, దుర్గం చెరువు, వికారాబాద్, ఎకో టూరిజం ప్రాజెక్టులకు ప్రాధాన్యం ఇచ్చారు.
తెలంగాణలో పర్యాటక రంగాన్ని జాతీయ, అంతర్జాతీయ స్థాయికి తీసుకెళ్లే లక్ష్యంతో ముఖ్యమంత్రి రేవంత్ రెడ్డి కీలక ఆదేశాలు జారీ చేశారు. జూబ్లీహిల్స్లోని మర్రి చెన్నారెడ్డి మానవ వనరుల అభివృద్ధి సంస్థ (MCRHRD) క్యాంపస్లో పర్యాటక శాఖ అధికారులతో నిర్వహించిన సమీక్షా సమావేశంలో రాష్ట్రంలోని ప్రముఖ పర్యాటక ప్రాంతాల అభివృద్ధిపై విస్తృతంగా చర్చించారు. హైదరాబాద్తో పాటు జిల్లాల్లోని పర్యాటక కేంద్రాలను ఆధునిక సౌకర్యాలతో తీర్చిదిద్దాలని అధికారులను ఆదేశించారు.
హైదరాబాద్లోని గొల్కొండ సమీపంలోని తారామతి బారాదరిని ప్రముఖ పర్యాటక కేంద్రంగా అభివృద్ధి చేయాలని సీఎం సూచించారు. దుర్గం చెరువును పూర్తి స్థాయి టూరిజం హబ్గా తీర్చిదిద్దాలని, మంజీరా, దిల్కుషా గెస్ట్ హౌస్లను ఆధునికీకరించి దేశ, విదేశీ పర్యాటకులను ఆకర్షించేలా రూపొందించాలని ఆదేశించారు. నగరంలోని వారసత్వ కట్టడాలు, ప్రకృతి అందాలను పర్యాటకాభివృద్ధికి అనుసంధానించాలని పేర్కొన్నారు.
టూరిజం హబ్ డెవలప్మెంట్ పథకం కింద వికారాబాద్ను ప్రత్యేక పర్యాటక గమ్యస్థానంగా అభివృద్ధి చేయాలని సీఎం ఆదేశించారు. అక్కడి వీరభద్రస్వామి దేవాలయాన్ని యాదాద్రి తరహాలో అభివృద్ధి చేసి, ఆలయ నిర్వహణ కోసం ప్రత్యేక కమిటీ ఏర్పాటు చేయాలని సూచించారు. అలాగే వికారాబాద్ పరిసర ప్రాంతాల్లో మౌలిక సదుపాయాలు మెరుగుపరచి పర్యాటకులకు మరింత అనుకూల వాతావరణం కల్పించాలని చెప్పారు.
అటవీ శాఖ పరిధిలోని భూములను పర్యాటక శాఖతో సమన్వయం చేసి ఎకో టూరిజం కేంద్రాలుగా అభివృద్ధి చేయాలని ముఖ్యమంత్రి ఆదేశించారు. గుర్రంగూడ ఎకో పార్క్ తరహాలో హైదరాబాద్లో మరిన్ని ఎకో పార్కులు ఏర్పాటు చేయాలని, ఫ్యూచర్ సిటీలోని అటవీ ప్రాంతాలను అంతర్జాతీయ ప్రమాణాలతో అభివృద్ధి చేసి అర్బన్ ఫారెస్ట్ నమూనాలో తీర్చిదిద్దాలని సూచించారు. ఈ ప్రాజెక్టుల అమలును వేగవంతం చేసేందుకు ప్రత్యేక అధికారిని నియమించాలని కూడా ఆదేశించారు.
పురానాపూల్ హెరిటేజ్ బ్రిడ్జిని పర్యాటక ఆకర్షణగా తీర్చిదిద్దాలని, అవసరమైతే ట్రాఫిక్ను మళ్లించి పర్యాటకులకు ప్రత్యేక ఏర్పాట్లు చేయాలని సీఎం పేర్కొన్నారు. డిసెంబర్లో జరగనున్న గ్లోబల్ ఇన్వెస్ట్మెంట్ సమ్మిట్ను దృష్టిలో ఉంచుకుని పర్యాటక రంగానికి సంబంధించిన ప్రాజెక్టులను వేగవంతం చేయాలని, శాఖల మధ్య సమన్వయం కోసం ప్రత్యేక కమిటీలు ఏర్పాటు చేయాలని అధికారులకు సూచించారు. రాష్ట్ర పర్యాటక రంగాన్ని పెట్టుబడులు, ఉపాధి, ఆర్థికాభివృద్ధికి ప్రధాన కేంద్రంగా తీర్చిదిద్దడమే ప్రభుత్వ లక్ష్యమని సీఎం స్పష్టం చేశారు.
ఈ వార్తలు కూడా చదవండి..
జేడీ వాన్స్కు నెతన్యాహు కౌంటర్.. “మాకు భారత్ లాంటి మిత్రదేశాలున్నాయి”
ముంబైలో భారీ వర్షాల బీభత్సం.. రెడ్ అలర్ట్ జారీ.. విమానాలు, రైళ్లు స్తంభించాయి
సంధ్య థియేటర్ కేసు: అల్లుఅర్జున్కు వర్చువల్ హాజరుకు కోర్టు అనుమతి
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS