తెలంగాణలో నైరుతి రుతుపవనాలు బలహీనపడటంతో ఎల్నినో ప్రభావం కనిపిస్తోంది. జూలై 15 వరకు రాష్ట్రంలోని పలు జిల్లాల్లో 40 డిగ్రీల వరకు ఉష్ణోగ్రతలు నమోదయ్యే అ
తెలంగాణలో నైరుతి రుతుపవనాలు బలహీనపడటంతో ఎల్నినో ప్రభావం కనిపిస్తోంది. జూలై 15 వరకు రాష్ట్రంలోని పలు జిల్లాల్లో 40 డిగ్రీల వరకు ఉష్ణోగ్రతలు నమోదయ్యే అవకాశం ఉందని హైదరాబాద్ వాతావరణ కేంద్రం హెచ్చరించింది.
తెలంగాణ రాష్ట్రంలో నైరుతి రుతుపవనాలు బలహీనపడటంతో జూలై నెలలోనే ఏప్రిల్ను తలపించేలా ఎండలు తీవ్రంగా నమోదవుతున్నాయి. ఎల్నినో ప్రభావంతో రాష్ట్రవ్యాప్తంగా పొడి వాతావరణం కొనసాగుతోందని హైదరాబాద్ వాతావరణ కేంద్రం వెల్లడించింది. రుతుపవనాల ప్రభావం తగ్గిపోవడంతో చాలా ప్రాంతాల్లో వర్షాల కంటే ఎండ తీవ్రతే ఎక్కువగా కనిపిస్తోందని అధికారులు తెలిపారు.
వాతావరణ శాఖ విడుదల చేసిన వివరాల ప్రకారం ఖమ్మం, సూర్యాపేట, భద్రాద్రి కొత్తగూడెం, నల్లగొండ, మహబూబాబాద్, ములుగు జిల్లాల్లో గరిష్ఠ ఉష్ణోగ్రతలు 38 నుంచి 40 డిగ్రీల సెల్సియస్ వరకు నమోదయ్యాయి. వరంగల్, జనగామ, యాదాద్రి భువనగిరి, కరీంనగర్, హనుమకొండ, భూపాలపల్లి, వనపర్తి, గద్వాల, నాగర్కర్నూల్, నారాయణపేట తదితర జిల్లాల్లో 37 నుంచి 39 డిగ్రీల వరకు ఉష్ణోగ్రతలు నమోదైనట్లు పేర్కొంది.
ఈ పరిస్థితులు జూలై 15 వరకు కొనసాగనున్నాయని వాతావరణ శాఖ అంచనా వేసింది. అయితే జూలై 19 తర్వాత రాష్ట్రవ్యాప్తంగా వర్షాలు మళ్లీ చురుకుగా కురిసే అవకాశం ఉందని అధికారులు తెలిపారు. అప్పటి వరకు పొడి వాతావరణం కొనసాగుతుందని, ప్రజలు ఎండల నుంచి జాగ్రత్తలు తీసుకోవాలని సూచించారు.
ఇదిలా ఉండగా రుతుపవన ద్రోణి ప్రస్తుతం శ్రీగంగానగర్, హిస్సార్, మీరట్, గోరఖ్పూర్ మీదుగా దక్షిణ అస్సాం వరకు కొనసాగుతోందని వాతావరణ కేంద్రం వెల్లడించింది. రాష్ట్రంలో అక్కడక్కడా చిరుజల్లులు కురిసే అవకాశం ఉన్నప్పటికీ విస్తృత వర్షాలకు అనుకూల పరిస్థితులు లేవని తెలిపింది. ఉత్తర, ఈశాన్య తెలంగాణ జిల్లాల్లో గంటకు 40 నుంచి 50 కిలోమీటర్ల వేగంతో ఈదురుగాలులు, దక్షిణ తెలంగాణ జిల్లాల్లో గంటకు 30 నుంచి 40 కిలోమీటర్ల వేగంతో గాలులు వీచే అవకాశం ఉందని హెచ్చరించింది.
ఈ వార్తలు కూడా చదవండి..
హైదరాబాద్కు బిగ్ అలర్ట్.. ఈ ప్రాంతాల్లో తాగునీటి సరఫరాకు అంతరాయం!
మెటా వెనక్కి తగ్గింది.. ఇన్స్టాగ్రామ్ వివాదాస్పద AI ఫీచర్ తొలగింపు!
రుతుపవనాలు బలహీనం.. ఏపీలో పెరిగిన ఎండలు, అక్కడక్కడా వర్షాలు
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS