కాళేశ్వరం కమిషన్ విచారణకు కేసీఆర్ హాజరు – BRK భవన్లో ఘోష్ కమిషన్ విచారణ. తెలంగాణ మాజీ ముఖ్యమంత్రి కల్వకుంట్ల చంద్రశేఖర్ రావు (కేసీఆర్) ఈరోజు కాళే
కాళేశ్వరం కమిషన్ విచారణకు కేసీఆర్ హాజరు – BRK భవన్లో ఘోష్ కమిషన్ విచారణ.
తెలంగాణ మాజీ ముఖ్యమంత్రి కల్వకుంట్ల చంద్రశేఖర్ రావు (కేసీఆర్) ఈరోజు కాళేశ్వరం ప్రాజెక్టుపై విచారణ జరుపుతున్న ఘోష్ కమిషన్ ముందు హాజరవుతున్నారు. ఉదయం 8 గంటలకు తన ఎర్రవల్లి ఫామ్హౌస్ నుంచి బయలుదేరనున్న కేసీఆర్, ఉదయం 11 గంటలకు హైదరాబాదులోని BRK భవన్ వద్ద విచారణకు హాజరవుతారని సమాచారం.
కాళేశ్వరం లిఫ్ట్ ఇరిగేషన్ ప్రాజెక్టు నిర్మాణంలో సంభవించిన అవకతవకలు, అక్రమాలు, ఆర్థిక లోటుపాట్లపై కేంద్రం సూచనలతో తెలంగాణ ప్రభుత్వం ఘోష్ కమిషన్ను ఏర్పాటు చేసింది. ఇందులో ఇప్పటికే మాజీ మంత్రి హరీష్ రావు, మాజీ మంత్రి ఈటల రాజేందర్ సహా పలు కీలక ఇంజినీర్లు తమ వాదనలు, వివరణలు ఇచ్చారు. ఇప్పుడు కీలకమైన దశలో కేసీఆర్ వాదన Commission ముందు వెలుగులోకి రానుంది.
ఘోష్ కమిషన్ విచారణలో ఏం జరుగుతుంది?
ఈ విచారణలో ప్రాజెక్ట్ ప్రణాళిక, టెండర్ల కేటాయింపు, నిర్మాణ సమయంలో వచ్చిన సాంకేతిక లోపాలు, ఎత్తిపోతల పనులలో జరిగిన వ్యయాలపై తీవ్రంగా పరిశీలన జరగనుంది. కేసీఆర్ ప్రధానంగా ఈ ప్రాజెక్టును తన డ్రీమ్ ప్రాజెక్టుగా ప్రచారం చేశారని తెలిసిందే. అందుకే ఆయన్ని విచారణకు పిలవడంపై రాజకీయ వర్గాల్లో పెద్ద చర్చ జరుగుతోంది.
కేసీఆర్ హాజరుతో రాజకీయం వేడెక్కే సూచనలు
కేసీఆర్ విచారణకు హాజరుకానుండటంతో, ఆయన అభిమానులు, పార్టీ కార్యకర్తలు పెద్ద ఎత్తున BRK భవన్ వద్దకు తరలివచ్చే అవకాశం ఉంది. దీంతో భారీ పోలీస్ బందోబస్తు ఏర్పాటు చేశారు. అన్ని రకాల తతంగాలను ప్రశాంతంగా జరిపేందుకు అధికారులు పటిష్ట చర్యలు చేపట్టారు.
ఈ విచారణ కేసీఆర్ రాజకీయ భవిష్యత్తుపై ప్రభావం చూపుతుందా? లేదా ఆయన తన వాదనలతో విమర్శలకు తగిన సమాధానం ఇస్తారా? అన్నది సమయం తేల్చాల్సిన విషయం.
COMMENTS