ఇరాన్కు 300 బిలియన్ డాలర్ల ఆర్థికసాయం చేస్తున్నామన్న వార్తలను అమెరికా ఉపాధ్యక్షుడు జేడీ వాన్స్ ఖండించారు. ఇతర దేశాల పెట్టుబడులకే అవకాశం కల్పిస్తామని
ఇరాన్కు 300 బిలియన్ డాలర్ల ఆర్థికసాయం చేస్తున్నామన్న వార్తలను అమెరికా ఉపాధ్యక్షుడు జేడీ వాన్స్ ఖండించారు. ఇతర దేశాల పెట్టుబడులకే అవకాశం కల్పిస్తామని స్పష్టం చేశారు.
అమెరికా-ఇరాన్ శాంతి ఒప్పందం నేపథ్యంలో ఇరాన్కు 300 బిలియన్ డాలర్ల ఆర్థికసాయం అందించబోతున్నారన్న ప్రచారంపై అమెరికా ఉపాధ్యక్షుడు జేడీ వాన్స్ స్పష్టత ఇచ్చారు. అలాంటి ఆర్థికసాయం ప్రకటించలేదని, మీడియాలో వస్తున్న కథనాల్లో వాస్తవం లేదని ఆయన తేల్చిచెప్పారు.
‘ది మెగిన్ కెల్లీ షో’ కార్యక్రమంలో పాల్గొన్న జేడీ వాన్స్.. ఇరాన్ పునర్నిర్మాణానికి అమెరికా నేరుగా నిధులు అందించడం కంటే, శాంతి ఒప్పంద నిబంధనలను పాటించే పరిస్థితుల్లో ఇతర దేశాలు పెట్టుబడులు పెట్టేందుకు అవకాశాలు కల్పించే దిశగా ఆలోచిస్తున్నామని వెల్లడించారు.
ఉదాహరణగా యునైటెడ్ అరబ్ ఎమిరేట్స్ (UAE)ను ప్రస్తావించిన వాన్స్.. ఇరాన్లో అణు విద్యుత్ ప్రాజెక్టులు లేదా ఇతర రంగాల్లో పెట్టుబడులు పెట్టాలనుకునే మిత్రదేశాలకు అంతర్జాతీయ ఆర్థిక వ్యవస్థలో ఉన్న కొన్ని పరిమితులను సడలించే అంశాన్ని పరిశీలించవచ్చని చెప్పారు.
అయితే ఇరాన్ ప్రవర్తనలో మార్పు రావడం అత్యంత కీలకమని ఆయన స్పష్టం చేశారు. అంతర్జాతీయ నిబంధనలు, శాంతి ఒప్పంద షరతులను ఇరాన్ గౌరవిస్తేనే ప్రపంచ దేశాలు అక్కడ పెట్టుబడులు పెట్టేందుకు ముందుకు వస్తాయని పేర్కొన్నారు.
ఇరాన్లో సంపద సృష్టి, మౌలిక సదుపాయాల అభివృద్ధి కోసం ఇతర దేశాల పెట్టుబడులకు అనుమతులు ఇవ్వవచ్చని, కానీ అమెరికా నేరుగా 300 బిలియన్ డాలర్ల సాయం చేస్తోందన్న వార్తలు పూర్తిగా అవాస్తవమని జేడీ వాన్స్ మరోసారి స్పష్టం చేశారు.
ఈ వార్తలు కూడా చదవండి…
పెద్ది’తో చరణ్ సునామీ.. రూ.300 కోట్ల క్లబ్లో తండ్రీకొడుకులు
సన్న వడ్ల రైతులకు గుడ్ న్యూస్.. 7 రకాల వడ్లకు బోనస్: సీఎం
మెట్రో రుణం ఆపేసిన కిషన్ రెడ్డి? సీఎం రేవంత్ సంచలన ఆరోపణలు
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS