భారత్ చేయి విడిస్తే అమెరికాకే భారం | వ్యూహాత్మక భాగస్వామ్యం

భారత్‌ చేయి విడిస్తే అమెరికాకే భారం భారత్‌తో వ్యూహాత్మక భాగస్వామ్యం అమెరికాకు బలం చేకూర్చేది కానీ, భారమయ్యేది కాదని విశ్లేషకులు అంటున్నారు. అయినప్పటి

భారత్‌ చేయి విడిస్తే అమెరికాకే భారం

భారత్‌తో వ్యూహాత్మక భాగస్వామ్యం అమెరికాకు బలం చేకూర్చేది కానీ, భారమయ్యేది కాదని విశ్లేషకులు అంటున్నారు. అయినప్పటికీ అమెరికా ప్రస్తుత వైఖరి భారత్‌ను దూరం చేసే దిశగా నడుస్తోందని విమర్శలు వస్తున్నాయి. ట్రంప్ విధించిన భారీ సుంకాలు, భారత్‌పై ప్రతీకార ధోరణి ఇరు దేశాల మధ్య దౌత్య సంబంధాలపై ప్రభావం చూపుతున్నాయి.

అమెరికాకు చైనాతో పెరుగుతున్న విభేదాల నేపథ్యంలో భారత్‌ సహకారం అత్యవసరం. అయినప్పటికీ, రష్యా నుంచి చమురు, సహజ వాయువు కొనుగోళ్లపై భారత్‌ను టార్గెట్ చేస్తూ, 8,700 కోట్ల డాలర్ల ఎగుమతులలో 4,800 కోట్ల విలువైన సరుకులపై 50% సుంకాలు విధించడం వివాదాస్పదమైంది. దీనిపై న్యూఢిల్లీ తీవ్రంగా స్పందించింది.

నిపుణుల మాటల్లో, భారత్‌–అమెరికా సంబంధాలు కేవలం ద్వైపాక్షికం మాత్రమే కాకుండా, ప్రపంచ స్థాయిలో వ్యూహాత్మకంగా ప్రాముఖ్యం కలిగినవిగా ఉంటాయి. ఈ సంబంధాలను దెబ్బతీయడం అమెరికాకే భారమవుతుందని హెచ్చరిస్తున్నారు.