కేటీఆర్ ధ్వజం: రేవంత్–బీజేపీ రహస్య మైత్రి బహిర్గతం

కేటీఆర్ ధ్వజం: రేవంత్–బీజేపీ రహస్య మైత్రి బహిర్గతం హైదరాబాద్: తెలంగాణ రాజకీయాల్లో వేడి పెరుగుతోంది. ముఖ్యమంత్రి రేవంత్ రెడ్డి, భారతీయ జనతా పార్టీ (బీ

కేటీఆర్ ధ్వజం: రేవంత్–బీజేపీ రహస్య మైత్రి బహిర్గతం

హైదరాబాద్: తెలంగాణ రాజకీయాల్లో వేడి పెరుగుతోంది. ముఖ్యమంత్రి రేవంత్ రెడ్డి, భారతీయ జనతా పార్టీ (బీజేపీ)ల మధ్య జరుగుతోన్న రహస్య మైత్రి అంశంపై బీఆర్ఎస్ వర్కింగ్ ప్రెసిడెంట్ కేటీఆర్ ఘాటైన వ్యాఖ్యలు చేశారు. రేవంత్ అవినీతి, ప్రభుత్వ వైఫల్యాలు బయటపడుతున్నా, బీజేపీ మాత్రం మౌనం వహిస్తోందని ఆయన ఆరోపించారు.

కేటీఆర్ మాట్లాడుతూ, “చోటే భాయ్‌కి చీమ కూడా కుట్టకుండా, బడే భాయ్ పార్టీ బీజేపీ పహారా కాస్తోంది” అని వ్యాఖ్యానించారు. రాష్ట్ర ప్రజలు ఎన్నో సమస్యలు ఎదుర్కొంటున్నా, బీజేపీ మాత్రం రేవంత్‌కు రక్షణగా నిలుస్తోందని ఆయన విమర్శించారు.

గ్రూప్-1 పరీక్షల నిర్వహణలో ఘోర అవకతవకలు జరిగాయని, దీనిపై హైకోర్టు పరీక్షను రద్దు చేయాలని చెప్పిందని గుర్తుచేశారు. అయినప్పటికీ రాష్ట్ర బీజేపీ ఈ వ్యవహారంపై స్పందించకపోవడం రహస్య మైత్రి ఫలితమేనని కేటీఆర్ వ్యాఖ్యానించారు.

“విద్యార్థుల భవిష్యత్తు ప్రశ్నార్థకం అవుతుంటే, డబ్బుల కోసం జాబులు అమ్ముకున్నారన్న ఆరోపణలు వచ్చాయి. అయినప్పటికీ బీజేపీ మౌనం వహిస్తోంది. బీఆర్ఎస్ పాలనలో చిన్న అంశానికే సీబీఐ విచారణ కోరిన బీజేపీ నేతలు, గ్రూప్-1 స్కాం విషయంలో అదే డిమాండ్ ఎందుకు చేయడం లేదు?” అని కేటీఆర్ ప్రశ్నించారు.

రేవంత్–బీజేపీ రహస్య మైత్రికి ఇది ఒక తాజా ఉదాహరణ మాత్రమేనని కేటీఆర్ ధ్వజమెత్తారు. ఇకపై రాష్ట్ర ప్రజలు ఈ రాజకీయ నాటకాలను గమనించి తగిన నిర్ణయం తీసుకోవాలని పిలుపునిచ్చారు.