anhvi Kapoor | జాన్వీ కపూర్ చాలా గ్రేట్.. అనీల్ కపూర్ కామెంట్స్ వైరల్ బాలీవుడ్ బ్యూటీ, అతిలోక సుందరి శ్రీదేవి కూతురు జాన్వీ కపూర్ బాలీవుడ్లో బిజీ
anhvi Kapoor | జాన్వీ కపూర్ చాలా గ్రేట్.. అనీల్ కపూర్ కామెంట్స్ వైరల్
బాలీవుడ్ బ్యూటీ, అతిలోక సుందరి శ్రీదేవి కూతురు జాన్వీ కపూర్ బాలీవుడ్లో బిజీగా ఉంటూనే, సౌత్ సినిమాల్లోనూ తనకంటూ ప్రత్యేక గుర్తింపు తెచ్చుకునేందుకు కష్టపడుతోంది. ఇప్పటికే ఎన్టీఆర్ సరసన నటించిన “దేవర” చిత్రంతో తెలుగు ప్రేక్షకులను ఆకట్టుకున్న జాన్వీ, ఇప్పుడు రామ్ చరణ్ హీరోగా తెరకెక్కుతున్న “పెద్ది” సినిమాలో నటిస్తోంది. ఈ సినిమా కోసం ఆమె చాలా ఆశలు పెట్టుకున్నట్టు సమాచారం. బుచ్చిబాబు దర్శకత్వంలో తెరకెక్కుతున్న ఈ సినిమాలో జాన్వీ పాత్ర ప్రత్యేకంగా ఉండబోతుందని సినీ వర్గాల్లో టాక్ నడుస్తోంది.
ఇక తాజాగా జాన్వీ గురించి ఆమె బాబాయ్, బాలీవుడ్ సీనియర్ నటుడు అనిల్ కపూర్ చేసిన కామెంట్స్ ఇప్పుడు వైరల్గా మారాయి. సాధారణంగా స్టార్ హీరోయిన్స్ షూటింగ్కి వెళ్తే వారి రేమ్యూనరేషన్తో పాటు ప్రయాణ ఖర్చులు, స్టాఫ్, మేనేజర్ల ఖర్చులు అన్నీ నిర్మాతే భరిస్తారు. కానీ జాన్వీ మాత్రం దీనికి భిన్నంగా ఉంటుందని అనిల్ కపూర్ వెల్లడించారు. షూటింగ్ కోసం ఎక్కడికైనా వెళ్ళినా ఫ్లైట్ టికెట్లు, స్టాఫ్ ఖర్చులు అన్నీ తానే భరిస్తుందని, నిర్మాతలకు ఎలాంటి అదనపు భారంగా ఉండదని అన్నారు.
ఈ విషయాలు బయటకు రాగానే జాన్వీపై ప్రశంసలు కురుస్తున్నాయి. ఈ రోజుల్లో నిర్మాతలపై భారీ ఖర్చులు మోపుతున్న కాలంలో, జాన్వీ లాంటి స్టార్ హీరోయిన్ తన ఖర్చులను తానే భరించడం నిజంగా ప్రశంసనీయం అని ఇండస్ట్రీలో చర్చ సాగుతోంది. ఇతర హీరోయిన్స్ కూడా జాన్వీని ఆదర్శంగా తీసుకుంటారా అన్న చర్చ కూడా మొదలైంది.
ప్రస్తుతం జాన్వీకి బాలీవుడ్ ప్రాజెక్ట్స్తో పాటు సౌత్లో కూడా కొత్త ఆఫర్లు వస్తున్నాయి. రాబోయే రోజుల్లో జాన్వీ మరిన్ని పెద్ద ప్రాజెక్ట్స్లో నటించే అవకాశం ఉందని సినీ వర్గాల్లో వినిపిస్తోంది.
COMMENTS