పోలియో వైకల్యాన్ని సాకుగా చూపి ఆరోగ్య బీమా క్లెయిమ్ తిరస్కరించిన నివా బూపా సంస్థకు వినియోగదారుల కమిషన్ షాక్ ఇచ్చింది. బాధితుడికి రూ.22 లక్షలకు పైగా చె
పోలియో వైకల్యాన్ని సాకుగా చూపి ఆరోగ్య బీమా క్లెయిమ్ తిరస్కరించిన నివా బూపా సంస్థకు వినియోగదారుల కమిషన్ షాక్ ఇచ్చింది. బాధితుడికి రూ.22 లక్షలకు పైగా చెల్లించాలని ఆదేశించింది.
తెలంగాణ ముఖ్యమంత్రి రేవంత్ రెడ్డి మామ సూదిని పద్మారెడ్డికి హైదరాబాద్ జిల్లా వినియోగదారుల కమిషన్-2లో కీలక ఊరట లభించింది. చిన్ననాటి పోలియో వైకల్యాన్ని కారణంగా చూపుతూ ఆరోగ్య బీమా క్లెయిమ్ను తిరస్కరించిన నివా బూపా హెల్త్ ఇన్సూరెన్స్ సంస్థ చర్యలను కమిషన్ తీవ్రంగా తప్పుబట్టింది. బాధితుడికి పాలసీ గరిష్ఠ పరిమితి మేరకు రూ.20 లక్షలు చెల్లించాలని, అదనంగా మానసిక వేదనకు రూ.2 లక్షలు, కేసు ఖర్చుల కోసం రూ.10 వేలతో పాటు ముఖ్యమంత్రి సహాయ నిధికి రూ.1 లక్ష జరిమానా చెల్లించాలని ఆదేశించింది.
వివరాల ప్రకారం, బంజారాహిల్స్కు చెందిన సూదిని పద్మారెడ్డి గత ఐదేళ్లుగా నివా బూపా ఆరోగ్య బీమా పాలసీని క్రమం తప్పకుండా రెన్యువల్ చేసుకుంటూ వస్తున్నారు. ఆయనకు చిన్ననాటి నుంచే పోలియో వైకల్యం ఉన్నప్పటికీ, పాలసీ జారీ సమయంలో సంస్థ ప్రతినిధులు, ప్యానెల్ వైద్యులు ఈ విషయాన్ని ప్రత్యక్షంగా పరిశీలించినట్లు రికార్డులు సూచిస్తున్నాయి. 2024 మేలో గుండెపోటుతో ఆసుపత్రిలో చేరిన ఆయనకు అత్యవసర గుండె శస్త్రచికిత్స జరగగా, చికిత్స కోసం రూ.23.50 లక్షలకు పైగా ఖర్చు అయ్యింది.
చికిత్స అనంతరం బీమా క్లెయిమ్ దాఖలు చేయగా, పాలసీ తీసుకునే సమయంలో పోలియో వివరాలను దాచిపెట్టారని పేర్కొంటూ నివా బూపా సంస్థ క్లెయిమ్ను తిరస్కరించింది. దీనిపై పద్మారెడ్డి వినియోగదారుల కమిషన్ను ఆశ్రయించారు. కేసును విచారించిన కమిషన్, పోలియో వంటి శారీరక వైకల్యాన్ని దాచిపెట్టడం అసాధ్యమని, సంస్థ ప్రతినిధులకు తెలిసిన విషయాన్ని తరువాత సాకుగా చూపి క్లెయిమ్ తిరస్కరించడం అన్యాయమని స్పష్టం చేసింది.
కమిషన్ అధ్యక్షుడు వక్కంటి నర్సింహారావు, సభ్యుడు పారుపల్లి జవహర్బాబు ఇచ్చిన తీర్పులో బీమా సంస్థ వినియోగదారుని అనవసరంగా ఇబ్బందులకు గురిచేసిందని పేర్కొన్నారు. పాలసీ నిబంధనలను తప్పుగా అర్థం చేసుకుని క్లెయిమ్ను తిరస్కరించడం సేవల్లో లోపంగా పరిగణించారు. దీంతో బాధితుడికి రూ.20 లక్షల బీమా మొత్తం, రూ.2 లక్షల మానసిక నష్టపరిహారం, రూ.10 వేల కేసు ఖర్చులు చెల్లించాలని ఆదేశించారు.
అదనంగా వినియోగదారుల పట్ల అన్యాయమైన వ్యాపార విధానాన్ని అనుసరించినందుకు నివా బూపా సంస్థ తెలంగాణ ముఖ్యమంత్రి సహాయ నిధికి రూ.1 లక్ష జమ చేయాలని కమిషన్ స్పష్టం చేసింది. ఈ తీర్పు ఆరోగ్య బీమా రంగంలో ప్రీ-ఎగ్జిస్టింగ్ వ్యాధులను సాకుగా చూపి క్లెయిమ్లు తిరస్కరించే సంస్థలకు గట్టి హెచ్చరికగా నిలుస్తుందని న్యాయ నిపుణులు అభిప్రాయపడుతున్నారు.
ఈ వార్తలు కూడా చదవండి..
పోలియో సాకుతో ఇన్సూరెన్స్ తిరస్కరణ.. సీఎం రేవంత్ మామకు రూ.22 లక్షల న్యాయం
జన నాయగన్ చూసిన త్రిష.. విజయ్ సినిమాపై చేసిన పోస్ట్ వైరల్!
మళ్లీ బలపడుతున్న రుతుపవనాలు.. 3 రోజులు భారీ వర్షాలు, ఐఎండీ హెచ్చరిక
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS