శ్రీచరణికి ఏపీ ప్రభుత్వ నజరానా – రూ.2.5 కోట్లు, ఉద్యోగం.

శ్రీచరణికి ఏపీ ప్రభుత్వ నజరానా – రూ.2.5 కోట్లు, గ్రూప్-1 ఉద్యోగం, ఇంటి స్థలం!

వన్డే ప్రపంచకప్‌లో అద్భుత ప్రదర్శనతో టీమిండియాకు గౌరవం తీసుకొచ్చిన తెలుగమ్మాయి శ్రీచరణికి ఆంధ్రప్రదేశ్ ప్రభుత్వం ఘన సత్కారం అందించింది. ముఖ్యమంత్రి చంద్రబాబు నాయుడు, మంత్రి నారా లోకేశ్ సాక్షిగా ఆమెకు రూ.2.5 కోట్లు నగదు, గ్రూప్-1 ఉద్యోగం, కడపలో ఇంటి స్థలం బహూకరించారు.

ఈ సందర్భంగా శ్రీచరణి మాట్లాడుతూ, “క్రికెట్ ఆడేందుకు కుటుంబం ఇచ్చిన ప్రోత్సాహమే నన్ను ఈ స్థాయికి తీసుకువచ్చింది. నా మామగారు నన్ను ప్రతిరోజూ ప్రాక్టీస్‌కు తీసుకెళ్లేవారు. ఈ విజయం మొదటి అడుగు మాత్రమే, ఇంకా చాలా దూరం వెళ్లాలి,” అని పేర్కొన్నారు.

ప్రధాని నరేంద్ర మోదీతో సమావేశమైనప్పుడు ఆయన తనకు భవిష్యత్ ప్రణాళికలపై సూచనలు చేశారని తెలిపారు.

ముఖ్యమంత్రి చంద్రబాబు మాట్లాడుతూ, “శ్రీచరణి మహిళా క్రీడాకారిణులకు ఆదర్శంగా నిలిచింది. ఆమె విజయం తెలుగు రాష్ట్రాల గర్వకారణం,” అని అన్నారు. గన్నవరం ఎయిర్‌పోర్ట్‌ నుండి విజయవాడ బెంజ్ సర్కిల్ వరకు భారీ ర్యాలీ ఏర్పాటు చేయాలని ప్లాన్ చేసినప్పటికీ, ముఖ్యమంత్రి భేటీ కారణంగా ఆ ర్యాలీని రద్దు చేసినట్లు అధికారులు తెలిపారు.

ఇక కడపలో సాయంత్రం శ్రీచరణి ఘన సత్కార కార్యక్రమం జరుగనుంది. ఆంధ్ర క్రికెట్ అసోసియేషన్, కడప జిల్లా క్రికెట్ అసోసియేషన్ ఆధ్వర్యంలో ఈ కార్యక్రమానికి భారీ ఏర్పాట్లు చేశారు.

ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్‌డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్‌సైట్‌ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews

ఫాలో అవ్వండి – నిజమైన వార్తలు, వేగంగా అందించే Digital Prime News‌తో కలసి ఉండండి!

#DigitalPrimeNews #TeamIndia #WomensWorldCupFinal #IndiaVsAustralia #HarmanpreetKaur #JemimahRodrigues #WomenCricketHistory #CricketNews #TeluguNews #SportsUpdates #BreakingNews

40

SHARES

Share on Facebook

Post on X

Follow us