2026-27 అసెస్మెంట్ ఇయర్కు ITR గడువు తేదీల్లో కీలక మార్పులు జరిగాయి. మీకు వర్తించే కొత్త డెడ్లైన్, ITR ఫారమ్ వివరాలు తెలుసుకోండి. ఆదాయపు పన్ను రిటర
2026-27 అసెస్మెంట్ ఇయర్కు ITR గడువు తేదీల్లో కీలక మార్పులు జరిగాయి. మీకు వర్తించే కొత్త డెడ్లైన్, ITR ఫారమ్ వివరాలు తెలుసుకోండి.
ఆదాయపు పన్ను రిటర్నులు (ITR) దాఖలు చేసే పన్ను చెల్లింపుదారులకు 2026లో కేంద్ర ప్రభుత్వం కీలక మార్పులు తీసుకొచ్చింది. ఇప్పటివరకు చాలా మంది జులై 31నే అందరికీ వర్తించే చివరి గడువు తేదీగా భావించేవారు. అయితే అసెస్మెంట్ ఇయర్ 2026-27 నుంచి వివిధ కేటగిరీల పన్ను చెల్లింపుదారులకు వేర్వేరు గడువు తేదీలను కేంద్ర ప్రభుత్వం అమల్లోకి తీసుకొచ్చింది. దీంతో మీ ఆదాయం స్వరూపం, ఫైల్ చేసే ఐటీఆర్ ఫారం, ఆడిట్ అవసరమా లేదా అనే అంశాల ఆధారంగా గడువు తేదీ మారే అవకాశం ఉంది.
బడ్జెట్ 2026లో కేంద్ర ఆర్థిక మంత్రి నిర్మలా సీతారామన్ ప్రకటించిన కొత్త విధానం ప్రకారం, ఐటీఆర్-1 (సహజ్), ఐటీఆర్-2 ఫారాలు దాఖలు చేసే ఉద్యోగులు, పెన్షనర్లు మరియు సాధారణ వ్యక్తులకు జులై 31 గడువు యథాతథంగా కొనసాగుతుంది. అయితే స్వయం ఉపాధి పొందే వారు, చిన్న వ్యాపారులు, వృత్తి నిపుణులు ఉపయోగించే ఐటీఆర్-3, ఐటీఆర్-4 ఫారాలు ఫైల్ చేసే ఆడిట్ అవసరం లేని పన్ను చెల్లింపుదారులకు ఆగస్టు 31 వరకు అదనపు సమయం కల్పించారు.
మరోవైపు ఆడిట్ అవసరమైన వ్యాపారాలు, వృత్తి నిపుణులకు గడువు అక్టోబర్ 31 వరకు ఉంటుంది. దీంతో వివిధ కేటగిరీల వారిపై ఒకేసారి పడే ఒత్తిడి తగ్గడంతో పాటు ఆదాయపు పన్ను శాఖ సర్వర్లపై భారం కూడా తగ్గే అవకాశం ఉందని నిపుణులు అభిప్రాయపడుతున్నారు.
ఐటీఆర్-1 ఫారాన్ని జీతం లేదా పెన్షన్ ద్వారా ఆదాయం పొందుతూ వార్షిక ఆదాయం రూ.50 లక్షలలోపు ఉన్నవారు ఉపయోగించాలి. ఐటీఆర్-2 ఫారం క్యాపిటల్ గెయిన్స్, విదేశీ ఆస్తులు, ఒకటి కంటే ఎక్కువ ఇళ్లు కలిగినవారికి వర్తిస్తుంది. ఐటీఆర్-4 (సుగమ్) ఫారం సెక్షన్లు 44AD, 44ADA, 44AE కింద అంచనా ఆదాయం చూపే వ్యాపారులు, వృత్తి నిపుణుల కోసం రూపొందించబడింది.
గడువు తేదీ దాటిన తర్వాత కూడా డిసెంబర్ 31 వరకు బిలేటెడ్ రిటర్న్ దాఖలు చేసే అవకాశం ఉంటుంది. అయితే ఆలస్యంగా ఫైల్ చేస్తే వడ్డీతో పాటు జరిమానా కూడా చెల్లించాల్సి ఉంటుంది. వార్షిక ఆదాయం రూ.5 లక్షలలోపు ఉంటే రూ.1,000 వరకు, అంతకంటే ఎక్కువైతే రూ.5,000 వరకు లేట్ ఫీజు విధించబడుతుంది. కాబట్టి మీకు వర్తించే ఫారం ఏదో తెలుసుకుని సరైన గడువులోపు ఐటీఆర్ దాఖలు చేయడం అత్యంత ముఖ్యమని నిపుణులు సూచిస్తున్నారు.
ఈ వార్తలు కూడా చదవండి…
నేను లేకపోతే ఇజ్రాయెల్ ఉండేది కాదు”.. నెతన్యాహూపై ట్రంప్ సంచలన వ్యాఖ్యలు
భారత్కు షాక్?.. పీఓకేపై అమెరికా మ్యాప్ వివాదం, ‘ఇండో’ పేరు తొలగింపు
ఫుడ్ కమిషన్ ఛైర్మన్కు హైకోర్టు ఊరట.. భద్రత కొనసాగింపు
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి !
COMMENTS