దిత్వా తుఫాన్ ప్రభావంతో విషాదంలో ఉన్న శ్రీలంకకు ఇండియా ఆపరేషన్ సాగర్ బంధుతో భారీ సహాయం అందిస్తోంది. రక్షణ, సాయం, మానవత్వానికి భారత్ అండ. దిత్వా తుఫాన
దిత్వా తుఫాన్ ప్రభావంతో విషాదంలో ఉన్న శ్రీలంకకు ఇండియా ఆపరేషన్ సాగర్ బంధుతో భారీ సహాయం అందిస్తోంది. రక్షణ, సాయం, మానవత్వానికి భారత్ అండ.
దిత్వా తుఫాన్ ప్రభావం వల్ల శ్రీలంక ఊపిరి పీల్చుకోలేని స్థితిలో పడిపోయింది. కొండచరియలు విరిగిపడటం, వరదలు విస్తరించడం, వందలాది మంది ప్రాణాలు కోల్పోవడంతో దేశవ్యాప్తంగా భారీ విషాదం నెలకొంది. లక్షలాది మంది నిరాశ్రయులై ప్రభుత్వ సహాయం కోసం ఎదురు చూస్తున్నారు. ఈ క్లిష్ట సమయంలో శ్రీలంక నేతలు, ప్రముఖులు ప్రపంచ దేశాలకు సహాయం కోరారు. అయితే ఆపదకాలంలో ఎప్పుడూ ముందుండే భారత్ వెంటనే స్పందించి, “ఆపరేషన్ సాగర్ బంధు” పేరుతో భారీ స్థాయిలో సహాయక చర్యలు చేపట్టింది.
ఇండియా చేపట్టిన సాయంపై శ్రీలంక రాజకీయ నాయకులు, క్రీడా ప్రముఖులు ప్రశంసల వర్షం కురిపిస్తున్నారు. అధ్యక్షుడు అనుర కుమార దిసనాయకే ప్రత్యేకంగా స్పందిస్తూ, దిత్వా తుఫాన్ కారణంగా తమ దేశం ఎదుర్కొంటున్న అత్యవసర పరిస్థితుల్లో భారత్ అండగా నిలిచిందని పేర్కొన్నారు. భారత ప్రధాని నరేంద్ర మోదీ బాధితుల కుటుంబాలకు సానుభూతి తెలపడంతో పాటు, వెంటనే సహాయక చర్యలను ప్రారంభించారని తెలిపారు. ఎన్డీఆర్ఎఫ్ బృందాలు ప్రమాదకర ప్రాంతాల్లో శ్రమిస్తూ, ఒక గర్భిణిని సహా పలువురు బాధితులను రక్షించడం విశేషమని అన్నారు.
క్రికెట్ దిగ్గజం సనత్ జయసూర్య కూడా భారత్ చేసిన సహాయాన్ని కొనియాడారు. శ్రీలంక ఆర్ధిక సంక్షోభ సమయంలోనే కాదు, ఈ ప్రకృతి విపత్తులో కూడా భారత్ అండగా నిలవడం రెండు దేశాల మధ్య ఉన్న బలమైన మైత్రికి నిదర్శనమని చెప్పారు. మోదీ, జై శంకర్ మరియు భారత ప్రజలకు ప్రత్యేక ధన్యవాదాలు తెలిపారు.
నవంబర్ 16 తర్వాత వాతావరణం మరింత ప్రతికూలంగా మారింది. తుఫాన్ ధాటికి ఇప్పటి వరకు 330 మంది మరణించగా, సుమారు 370 మంది గల్లంతయ్యారు. 11 లక్షల మంది తమ ఇళ్లను కోల్పోయారు. పరిస్థితి దిగజారడంతో భారత వాయుసేన వెంటనే చర్యల్లోకి దిగి, కొండచరియల కింద చిక్కుకున్న వారిని సురక్షిత ప్రాంతాలకు తరలించింది. అదనంగా, భారత్ 21 టన్నుల అత్యవసర సామగ్రిని శ్రీలంకకు పంపింది. మోదీ–అనుర కుమార దిసనాయకే మధ్య జరిగిన ఫోన్ సంభాషణలో తాజా పరిస్థితులపై చర్చ జరగగా, భారత్ సమగ్ర సహాయం అందిస్తుందని మోదీ హామీ ఇచ్చారు. దిత్వా తుఫాన్ ప్రభావంతో దెబ్బతిన్న శ్రీలంకకు భారత్ అందిస్తున్న ఈ అండ నిజంగా మానవత్వానికి ప్రతీకగా నిలుస్తోంది.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS