ఆశాలపల్లిలో ఎస్సీ మహిళ మల్లమ్మ 60 ఏళ్లకే ఏకైక అర్హురాలిగా సర్పంచ్ స్థానానికి ఎదగడం ఎన్నికల వేళ రాష్ట్రవ్యాప్తంగా చర్చనీయాంశమైంది. SC Woman Candidate
ఆశాలపల్లిలో ఎస్సీ మహిళ మల్లమ్మ 60 ఏళ్లకే ఏకైక అర్హురాలిగా సర్పంచ్ స్థానానికి ఎదగడం ఎన్నికల వేళ రాష్ట్రవ్యాప్తంగా చర్చనీయాంశమైంది.
SC Woman Candidate Mallamma Sarpanch: తెలంగాణలో పంచాయతీ ఎన్నికల వేళ రాజకీయాలు మరింత వేడెక్కుతున్నాయి. మొదటి విడత నామినేషన్ల పర్వం ముగిసిన తరువాత గ్రామాల్లో అభ్యర్థులు తమపై ఓటర్లను ఆకర్షించేందుకు విభిన్న వ్యూహాలతో రంగంలోకి దిగారు. కొన్ని గ్రామాల్లో ఏకగ్రీవాలు నమోదు అవుతుండగా, కొన్ని చోట్ల తీవ్ర పోటీ నెలకొంది. అయితే వరంగల్ జిల్లా సంగెం మండలం ఆశాలపల్లి గ్రామంలో చోటుచేసుకున్న సంఘటన రాష్ట్రవ్యాప్తంగా చర్చనీయాంశంగా మారింది. ఓ మహిళకు 60 ఏళ్ల వయసులో అదృష్టం తలుపు తట్టి ఏకంగా సర్పంచ్ స్థానం వరించింది.
ఆశాలపల్లి గ్రామ పంచాయతీ స్థానం ఈసారి ఎస్సీ మహిళా రిజర్వేషన్ కిందకు వచ్చింది. గ్రామంలో 1600 మందికి పైగా ఓటర్లు ఉన్నప్పటికీ, ఎస్సీ మహిళలలో కొంగర మల్లమ్మ మాత్రమే ఉన్నారు. దీంతో ప్రతిపక్షం లేకుండా ఆమె స్వతహాగా సర్పంచ్ పీఠంపై అర్హురాలవుతుండటంతో గ్రామం అంతా ఉత్సాహంగా ఉంది. ఏకగ్రీవం దిశగా ముందుకు సాగుతున్న ఈ సంఘటన ఆశాలపల్లి ప్రత్యేకతను మరింత పెంచింది.
2011కు ముందు ఆశాలపల్లి, కాపుల కనపర్తి రెవెన్యూ గ్రామ పరిధిలో భాగంగా ఉండేది. 2018లో నూతన గ్రామ పంచాయతీగా రూపుదిద్దుకుంది. 2011 జనాభా లెక్కల ప్రకారం కాపుల కనపర్తిలో 450 మంది ఎస్సీలు ఉన్నందున రోస్టర్ విధానం ప్రకారం ఆశాలపల్లికి ఈసారి ఎస్సీ మహిళ రిజర్వేషన్ వరించింది. అందువల్ల గ్రామంలో ఉన్న ఏకైక ఎస్సీ మహిళగా మల్లమ్మ స్వయంగా అధికారపీఠానికి అర్హురాలయ్యారు.
స్థానిక రాజకీయాల్లో మల్లమ్మ ఒక్కరే అర్హురాలిగా నిలవడంతో గ్రామంలోని అన్ని పార్టీల నాయకులు ఆమె ఇంటి వద్ద క్యూ కడుతున్నారు. మల్లమ్మను తమ పార్టీకి అనుకూలంగా మార్చుకోవడానికి పెద్ద ఎత్తున ప్రయత్నాలు జరుగుతున్నాయి. గ్రామ ప్రజలు కూడా ఆమెకు మద్దతు తెలుపుతూ ఏకగ్రీవం చేపించాలని కోరుకుంటున్నారు. 60 ఏళ్ల మల్లమ్మకు రాజకీయ జీవితంలో ఇది పెద్ద అవకాశంగా మారింది. పంచాయతీ ఎన్నికల వేళ ఆశాలపల్లి ఈ అరుదైన రాజకీయ పరిణామంతో రాష్ట్ర రాజకీయాల్లో ఆసక్తికర చర్చకు దారి తీసింది.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS