ఆగస్టు నెలలో ఏపీలో వర్షాలు పెరగనున్నాయని ఐఎండీ వెల్లడించింది. ఉత్తర కోస్తా, రాయలసీమలోని పలు జిల్లాల్లో సాధారణం కంటే అధిక వర్షాలు కురిసే అవకాశం ఉందని త
ఆగస్టు నెలలో ఏపీలో వర్షాలు పెరగనున్నాయని ఐఎండీ వెల్లడించింది. ఉత్తర కోస్తా, రాయలసీమలోని పలు జిల్లాల్లో సాధారణం కంటే అధిక వర్షాలు కురిసే అవకాశం ఉందని తెలిపింది.
నైరుతి రుతుపవనాల సీజన్ ప్రారంభమైన తర్వాత తొలి రెండు నెలలు తీవ్ర వర్షాభావాన్ని ఎదుర్కొన్న ఆంధ్రప్రదేశ్కు భారత వాతావరణ శాఖ (IMD) గుడ్న్యూస్ తెలిపింది. ఆగస్టు నెలలో రాష్ట్రవ్యాప్తంగా వర్షాలు గణనీయంగా పెరిగే అవకాశముందని తాజా బులెటిన్లో వెల్లడించింది. ముఖ్యంగా ఉత్తర కోస్తా, దక్షిణ కోస్తా, రాయలసీమలోని పలు జిల్లాల్లో సాధారణం కంటే ఎక్కువ వర్షపాతం నమోదయ్యే అవకాశాలు ఉన్నాయని అంచనా వేసింది. దీంతో రైతులు, సాగునీటి అవసరాల కోసం ఎదురుచూస్తున్న ప్రజల్లో ఆశలు పెరిగాయి.
ఐఎండీ అంచనాల ప్రకారం శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, ఏలూరు, కోనసీమ, కాకినాడ, పోలవరం ప్రాంతాలతో పాటు పల్నాడు, ప్రకాశం, నెల్లూరు, చిత్తూరు, తిరుపతి, కడప, నంద్యాల, కర్నూలు, అనంతపురం, శ్రీసత్యసాయి, అన్నమయ్య జిల్లాల్లోని పలు ప్రాంతాల్లో సాధారణం లేదా అంతకంటే అధిక వర్షపాతం నమోదయ్యే అవకాశం ఉంది. ఈ వర్షాలు ఖరీఫ్ పంటలకు ఊరటనిచ్చే అవకాశముందని వ్యవసాయ నిపుణులు భావిస్తున్నారు.
అయితే విశాఖపట్నం, అనకాపల్లి, తూర్పు గోదావరి, గుంటూరు, బాపట్ల జిల్లాల్లో మాత్రం సాధారణం కంటే తక్కువ వర్షపాతం నమోదయ్యే అవకాశముందని వాతావరణ శాఖ హెచ్చరించింది. ఈ ప్రాంతాల రైతులు నీటి వినియోగంలో జాగ్రత్తలు పాటించాలని అధికారులు సూచిస్తున్నారు.
ఆగస్టు, సెప్టెంబర్ నెలలను కలిపి పరిశీలించినా రాష్ట్రంలోని పలు జిల్లాల్లో వర్షపాతం మెరుగుపడే అవకాశాలు ఉన్నాయని ఐఎండీ పేర్కొంది. నైరుతి రుతుపవనాల తొలి రెండు నెలల్లో రాష్ట్రంలో 52 శాతం వర్షపాతం లోటు నమోదై తీవ్ర దుర్భిక్ష పరిస్థితులు నెలకొన్న నేపథ్యంలో, రాబోయే వర్షాలు వ్యవసాయ రంగానికి కొంత ఊరటనివ్వనున్నాయని అధికారులు ఆశాభావం వ్యక్తం చేస్తున్నారు.
ఈ వార్తలు కూడా చదవండి..
మెట్రో టేకోవర్కు కొత్త ప్లాన్.. ఐఆర్ఎఫ్సీ రుణాలపై బ్రేక్, హెచ్ఎంఆర్ఎల్ కీలక నిర్ణయం!
55.90 అడుగులకు గోదావరి.. భద్రాచలంలో మూడో ప్రమాద హెచ్చరిక, మంత్రి తుమ్మల అలర్ట్
భోగాపురం చేరుకున్న ప్రధాని మోదీ.. అల్లూరి అంతర్జాతీయ విమానాశ్రయాన్ని జాతికి అంకితం
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS