IPL 2027కు ముందు హార్దిక్ పాండ్యాను ట్రేడ్ చేసేందుకు సీఎస్కే, కేకేఆర్, ఎల్ఎస్జీ, ఆర్ఆర్ పోటీ పడుతున్నట్లు ప్రచారం. Hardik Pandya భవిష్యత్తుపై ఐపీఎల్
IPL 2027కు ముందు హార్దిక్ పాండ్యాను ట్రేడ్ చేసేందుకు సీఎస్కే, కేకేఆర్, ఎల్ఎస్జీ, ఆర్ఆర్ పోటీ పడుతున్నట్లు ప్రచారం.
Hardik Pandya భవిష్యత్తుపై ఐపీఎల్ వర్గాల్లో భారీ చర్చ మొదలైంది. Mumbai Indians కెప్టెన్గా వరుసగా ఆశించిన ఫలితాలు ఇవ్వలేకపోయిన హార్దిక్ పాండ్యా.. IPL 2027కు ముందు జట్టును వీడే అవకాశాలు ఉన్నాయనే ప్రచారం జోరందుకుంది.
ఐపీఎల్ 2024లో ముంబై ఇండియన్స్కు తిరిగి వచ్చిన హార్దిక్కు కెప్టెన్సీ బాధ్యతలు అప్పగించగా.. ఆ సీజన్లో జట్టు పాయింట్ల పట్టికలో చివరి స్థానానికి చేరింది. IPL 2025లో క్వాలిఫయర్-2 వరకు తీసుకెళ్లినా.. 2026లో మళ్లీ జట్టు తొమ్మిదో స్థానంలో నిలవడంతో యాజమాన్యం అసంతృప్తిగా ఉన్నట్లు కథనాలు వస్తున్నాయి.
ఈ నేపథ్యంలో హార్దిక్ను ట్రేడ్ ద్వారా సొంతం చేసుకోవడానికి నాలుగు ఫ్రాంఛైజీలు పోటీ పడుతున్నట్లు సోషల్ మీడియాలో ప్రచారం జరుగుతోంది. Chennai Super Kings, Kolkata Knight Riders, Lucknow Super Giants, Rajasthan Royals ఇప్పటికే హార్దిక్ పరిస్థితిని గమనిస్తున్నట్లు సమాచారం.
సీఎస్కే ట్రేడ్ కోసం Shivam Dube లేదా యువ ఆటగాడు ఆయుష్ మాత్రేతో పాటు ఖలీల్ అహ్మద్ను ఆఫర్ చేయొచ్చని టాక్ వినిపిస్తోంది. మరోవైపు కేకేఆర్ సరైన కెప్టెన్ కోసం వెతుకుతుండటంతో Rinku Singh లేదా కామెరూన్ గ్రీన్తో ట్రేడ్ ప్యాకేజీ సిద్ధం చేయొచ్చని ప్రచారం సాగుతోంది.
Lucknow Super Giants కూడా పెద్ద మార్పులకు సిద్ధమవుతున్నట్లు తెలుస్తోంది. రిషభ్ పంత్ భవిష్యత్తుపై అనుమానాల మధ్య హార్దిక్ను కెప్టెన్గా తీసుకురావాలని యోచిస్తున్నట్లు సమాచారం. అలాగే రాజస్థాన్ రాయల్స్ యశస్వి జైస్వాల్, సందీప్ శర్మ వంటి ఆటగాళ్లను ట్రేడ్లో ఉపయోగించేందుకు సిద్ధంగా ఉందని నెట్టింట చర్చ నడుస్తోంది.
అయితే ఇప్పటివరకు ఈ వార్తలపై అధికారిక ప్రకటన ఏదీ వెలువడలేదు. కానీ ముంబై ఇండియన్స్ హార్దిక్ కెప్టెన్సీపై పునరాలోచనలో ఉందనే వార్తలు మాత్రం అభిమానుల్లో ఆసక్తిని పెంచుతున్నాయి. IPL 2027కు ముందు జరిగే ట్రేడ్ విండోలో భారీ మార్పులు జరిగే అవకాశాలు కనిపిస్తున్నాయి.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS