బుమ్రాకు కూడా చెడ్డ రోజు ఉంటుంది”.. ఫైనల్‌కు ముందు న్యూజిలాండ్ ధీమా

టీ20 ప్రపంచకప్ 2026 ఫైనల్ మ్యాచ్‌కు ముందు భారత్ – న్యూజిలాండ్ మధ్య మాటల యుద్ధం ఆసక్తికరంగా మారింది. న్యూజిలాండ్ స్టార్ ఆటగాడు గ్లెన్ ఫిలిప్స్ భారత స్టార్ పేసర్ జస్‌ప్రీత్ బుమ్రాపై చేసిన వ్యాఖ్యలు ఇప్పుడు చర్చనీయాంశంగా మారాయి. బుమ్రా ప్రపంచంలోనే అత్యుత్తమ బౌలర్లలో ఒకడని ప్రశంసించినప్పటికీ, అతడికి కూడా చెడ్డ రోజు రావచ్చని ఫిలిప్స్ పేర్కొన్నాడు. ఆ చెడ్డ రోజు టీ20 వరల్డ్ కప్ ఫైనల్ రోజే కావాలని తమ జట్టు కోరుకుంటుందని చెప్పడం అభిమానుల్లో ఆసక్తిని పెంచింది.