వంగవీటి రంగా కుమార్తె ఆశా కిరణ్ తన రాజకీయ ప్రవేశంపై క్లారిటీ ఇచ్చారు. రాధారంగ మిత్ర మండలితో సేవా కార్యక్రమాలు కొనసాగిస్తానని తెలిపారు. ఆంధ్రప్రదేశ్ ర
వంగవీటి రంగా కుమార్తె ఆశా కిరణ్ తన రాజకీయ ప్రవేశంపై క్లారిటీ ఇచ్చారు. రాధారంగ మిత్ర మండలితో సేవా కార్యక్రమాలు కొనసాగిస్తానని తెలిపారు.
ఆంధ్రప్రదేశ్ రాజకీయాల్లో వరుసగా కొత్త పరిణామాలు చోటుచేసుకుంటున్న వేళ, వంగవీటి రంగా కుటుంబం నుంచి మరో వారసురాలు రాజకీయ ప్రవేశంపై చర్చ సాగుతోంది. వంగవీటి రంగా కుమార్తె ఆశా కిరణ్ గత కొంతకాలంగా ప్రజా జీవితం నుంచి దూరంగా ఉండగా, ఇటీవల రంగా విగ్రహానికి నివాళులు అర్పించిన తర్వాత చేసిన వ్యాఖ్యలు రాజకీయ వర్గాల్లో ఆసక్తి రేపాయి. “ఇకపై రంగా ఆశయ సాధన కోసం కృషి చేస్తాను… ప్రజలతోనే నా ప్రయాణం కొనసాగుతుంది” అని చెప్పడంతో ఆమె రాజకీయాల్లోకి అడుగుపెడతారనే ప్రచారం వేగంగా విస్తరించింది.
వంగవీటి మోహన రంగా వర్ధంతి సందర్బంగా డిసెంబర్ 26న విశాఖపట్నంలో ‘రంగనాడు’ పేరుతో భారీ బహిరంగ సభ జరుగనుంది. రాధా రంగ రాయల్ అసోసియేషన్ ఆధ్వర్యంలో ఈ సభ పోస్టర్ను ఆశా కిరణ్ ఆవిష్కరించారు. ఈ సందర్భంగా రాధారంగ మిత్ర మండలి సభ్యులను కుటుంబంలా భావిస్తున్నానని, రంగా అభిమానులు కుల, మత, రాజకీయాలకు అతీతంగా ఒక కుటుంబంలా ఏకమవుతున్నారని భావోద్వేగంగా పేర్కొన్నారు. అన్ని పార్టీల్లో ఉన్న రంగా అభిమానులు ఈ సభకు రావాలని ఆమె పిలుపునిచ్చారు.
ఇటీవల ఆమె చేసిన వ్యాఖ్యలతో తన పొలిటికల్ ఎంట్రీపై అనేక ఊహాగానాలు సాగుతున్నాయి. అయితే ఆశా కిరణ్ ఈ ప్రచారంపై స్పష్టతనిచ్చారు. ప్రస్తుతానికి తాను ఏ రాజకీయ పార్టీతోనూ సంబంధం పెట్టుకోలేదని, చారిటీ మరియు సేవా కార్యక్రమాల ద్వారానే రాధారంగ మిత్ర మండలితో కలిసి పని చేస్తానని తెలిపారు. వచ్చే మూడేళ్లు తన సేవా కార్యక్రమాలు ఎలా ఉంటాయో ప్రజలు చూస్తారని, ఆ తర్వాత మిత్ర మండలి పెద్దల సూచనల మేరకు తన రాజకీయ భవిష్యత్తును నిర్ణయిస్తానని చెప్పారు.
ఆమె రాజకీయ ప్రవేశం పై వచ్చిన ప్రచారాన్ని ఖండించినప్పటికీ, ఆమె వ్యాఖ్యలు భవిష్యత్తులో రాజకీయాల్లోకి రావడానికి తలుపులు తెరిచినట్టుగానే కనిపిస్తున్నాయి. అంతేకాకుండా తన అన్న వంగవీటి రాధాకృష్ణతో ఎలాంటి విభేదాలు లేవని స్పష్టం చేశారు. విశాఖలో జరగబోయే సభకు రాధాకృష్ణను ఆహ్వానించామని చెబుతూ, కుటుంబ విభేదాలపై వస్తున్న పుకార్లను నిలువరించారు.
వంగవీటి రంగా పేరు ఆంధ్రప్రదేశ్ రాజకీయాల్లో ఇప్పటికీ ఓ ప్రత్యేకమైన భావోద్వేగాన్ని కలిగిస్తూనే ఉంది. ఆ భావోద్వేగాన్ని కొనసాగిస్తూ, ఆశా కిరణ్ రాజకీయ రంగ ప్రవేశం ఎప్పుడైనా జరిగితే అది ఏపీలో కొత్త చర్చకు దారితీయడం ఖాయం.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS