విజయనగరం జిల్లాలో మాఫియా డాన్ కావాలనే కలతో మైనర్ బాలుడు తన తల్లిని స్నేహితుడితో కలిసి దారుణంగా హత్య చేసిన ఘటన రాష్ట్రవ్యాప్తంగా షాక్కు గురిచేస్తోంది.
విజయనగరం జిల్లాలో మాఫియా డాన్ కావాలనే కలతో మైనర్ బాలుడు తన తల్లిని స్నేహితుడితో కలిసి దారుణంగా హత్య చేసిన ఘటన రాష్ట్రవ్యాప్తంగా షాక్కు గురిచేస్తోంది.
AP విజయనగరం జిల్లాలో జరిగిన ఓ దారుణ ఘటన రాష్ట్రవ్యాప్తంగా సంచలనంగా మారింది. ముంబై వెళ్లి “డాన్” అవ్వాలనే కలలతో ఓ మైనర్ బాలుడు తన సొంత తల్లినే హత్య చేసిన ఘటన కలకలం రేపుతోంది. రాజాంకు చెందిన స్పందన అనే మహిళను ఆమె కుమారుడు, అతడి స్నేహితుడు కలిసి అత్యంత కిరాతకంగా హత్య చేసినట్లు పోలీసులు వెల్లడించారు. చెడు స్నేహాలు, మాఫియా సినిమాల ప్రభావం, సోషల్ మీడియాలో చూసే క్రైమ్ కంటెంట్ కారణంగానే ఈ ఘటన జరిగిందని పోలీసులు భావిస్తున్నారు. పదో తరగతి పూర్తి చేసిన 16 ఏళ్ల బాలుడు ఇటీవల చెడు అలవాట్లకు లోనయ్యాడని, అమ్మాయిలకు ప్రేమలేఖలు రాయడం, కోపంగా ప్రవర్తించడం మొదలుపెట్టాడని కుటుంబ సభ్యులు చెబుతున్నారు. ఈ విషయాలపై తల్లి స్పందన తన కుమారుడిని మందలించి చదువుపై దృష్టి పెట్టాలని చెప్పేది.
అయితే తన తల్లి తన స్వేచ్ఛకు అడ్డుగా ఉందని భావించిన బాలుడు, క్రికెట్ మైదానంలో పరిచయమైన మరో 17 ఏళ్ల మైనర్ స్నేహితుడితో కలిసి ఘోర ప్లాన్ వేసినట్లు దర్యాప్తులో తేలింది. ఇద్దరూ కలిసి ముంబై వెళ్లి మాఫియాలో చేరి డాన్లుగా ఎదగాలని నిర్ణయించుకున్నారని పోలీసులు తెలిపారు. మే 4న స్పందన ఇంటికి వచ్చిన సమయంలో బాత్రూమ్ వద్ద కాపుకాసిన బాలురు ఆమెపై కత్తులతో దాడి చేశారు. ఏకంగా 16 సార్లు కత్తిపోట్లు పొడిచి హత్య చేశారు. అనంతరం ఇంట్లోని బంగారం, నగదు తీసుకుని మృతదేహాన్ని కోనేరులో పడేసి పరారయ్యారు.
పోలీసులు సాంకేతిక ఆధారాలతో దర్యాప్తు చేపట్టి చిలకలపాలెం వద్ద ఇద్దరు మైనర్లను అదుపులోకి తీసుకున్నారు. మొదట అనుమానాస్పద మృతిగా నమోదైన ఈ కేసు, దర్యాప్తులో షాకింగ్ మర్డర్ కేసుగా మారింది. తల్లిని హత్య చేసిన తర్వాత ఇద్దరూ విశాఖపట్నం, తిరుపతి, ముంబై వెళ్లేందుకు ప్రయత్నించినట్లు పోలీసులు వెల్లడించారు. ఈ ఘటనపై స్పందించిన పోలీసులు.. తల్లిదండ్రులు పిల్లల ప్రవర్తనపై అప్రమత్తంగా ఉండాలని, క్రైమ్ కంటెంట్, మాఫియా సినిమాల ప్రభావం చిన్నారుల మనస్తత్వంపై తీవ్ర ప్రభావం చూపుతోందని హెచ్చరించారు.
ఈ వార్తలు కూడా చదవండి…
బండి సంజయ్ కోర్టుకు.. సోషల్ మీడియాపై కీలక ఆదేశాలు.
బండి భగీరథ్ POCSO కేసు.. అరెస్ట్ ఆలస్యం ఎందుకు?
ఏపీ, తెలంగాణకు భారీ వర్ష సూచన.. ఐఎండీ అలర్ట్
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime News తో కలసి ఉండండి!
COMMENTS