ఢిల్లీ బాంబు పేలుడు: డీఎన్ఏ సరిపోలికతో సంచలనం — కారు నడిపింది డాక్టర్ ఉమర్ నబీయేనని నిర్ధారణ న్యూఢిల్లీ: ఎర్రకోట సమీపంలో జరిగిన ఢిల్లీ బాంబు పేలుడు
ఢిల్లీ బాంబు పేలుడు: డీఎన్ఏ సరిపోలికతో సంచలనం — కారు నడిపింది డాక్టర్ ఉమర్ నబీయేనని నిర్ధారణ
న్యూఢిల్లీ: ఎర్రకోట సమీపంలో జరిగిన ఢిల్లీ బాంబు పేలుడు ఘటనలో మరో కీలక అంశం వెలుగులోకి వచ్చింది. పేలుడుకు గురైన ఐ20 కారులో డ్రైవర్గా ఉన్న వ్యక్తి డాక్టర్ ఉమర్ నబీ (Dr. Umar Un Nabi) అని అధికారులు నిర్ధారించారు.
కారులో లభించిన అవశేషాలు, మానవ శరీర భాగాల నుంచి సేకరించిన డీఎన్ఏ నమూనాలు అతని తల్లి డీఎన్ఏతో సరిపోలడంతో ఈ నిర్ధారణకు వచ్చారు.
సీసీటీవీ ఫుటేజీలో కూడా ఉమర్ నబీ కారు నడుపుతున్న దృశ్యాలు కనిపించాయని పోలీసులు వెల్లడించారు. పుల్వామాలో నివసించే అతని తల్లి నుంచి డీఎన్ఏ నమూనాలు సేకరించి పరీక్షించిన తర్వాతే ఈ విషయం బయటపడింది.
రెడ్ ఫోర్ట్ దాడి పథకం – రిపబ్లిక్ డే టార్గెట్
అధికారుల ప్రకారం, ఉమర్ నబీతో పాటు డాక్టర్ ముజమ్మిల్ పలుసార్లు ఎర్రకోట వద్ద రెక్కీ చేసినట్లు తేలింది. రిపబ్లిక్ డే రోజున దాడి చేయాలనే ప్రణాళిక ఉండగా, పటిష్ఠ భద్రత కారణంగా అది విఫలమైంది.
డిసెంబర్ 6 కోసం కొత్త కుట్ర
బాబ్రీ మసీదు కూల్చివేత దినమైన డిసెంబర్ 6న భారీ పేలుడు జరపాలని ఉమర్ నబీ పథకం వేసినట్లు వెల్లడైంది. జైషే మహ్మద్ ఉగ్ర మాడ్యూల్తో సంబంధం ఉన్న 8 మందిని విచారించగా ఈ వివరాలు బయటపడ్డాయి.
ఉగ్ర కేంద్రంగా మారిన అల్ ఫలాహ్ యూనివర్సిటీ
ఫరీదాబాద్లో ఉన్న అల్ ఫలాహ్ యూనివర్సిటీ ఉగ్ర మాడ్యూల్కు కేంద్రంగా మారినట్లు అధికారులు తెలిపారు. ఇక్కడ పనిచేసే డాక్టర్లు, ప్రొఫెసర్లు కుట్రలో భాగమని అనుమానిస్తున్నారు. ఇప్పటివరకు యూనివర్సిటీ నుంచి 6 మందిని అరెస్ట్ చేశారు.
మరో డాక్టర్ మిస్సింగ్
డాక్టర్ ఉమర్తో పాటు డాక్టర్ ముజమ్మిల్ షకీల్, డాక్టర్ షాహిన్ షాహిద్ కూడా ఈ నెట్వర్క్లో భాగమని దర్యాప్తు సంస్థలు చెబుతున్నాయి. అదేవిధంగా డాక్టర్ నిసార్ ఉల్ హసన్ పరారీలో ఉన్నాడు. ఈయనపై దేశద్రోహ కార్యకలాపాల ఆరోపణలు ఉన్నాయి.
దేశ భద్రతను కదిలించే ఈ వైట్ కాలర్ ఉగ్ర కుట్రపై ఎన్ఐఏ, ఐబీ సంయుక్త దర్యాప్తు కొనసాగిస్తోంది.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS