హైదరాబాద్లో తొలి దశలో 17 నియోజకవర్గాల్లో 7,680 ఇందిరమ్మ ఫ్లాట్ల నిర్మాణానికి తెలంగాణ ప్రభుత్వం నిర్ణయం తీసుకుంది. అర్హులకు రూ.5 లక్షల సబ్సిడీ అందించన
హైదరాబాద్లో తొలి దశలో 17 నియోజకవర్గాల్లో 7,680 ఇందిరమ్మ ఫ్లాట్ల నిర్మాణానికి తెలంగాణ ప్రభుత్వం నిర్ణయం తీసుకుంది. అర్హులకు రూ.5 లక్షల సబ్సిడీ అందించనుంది.
హైదరాబాద్లో పేదలకు సొంతింటి కలను సాకారం చేసే దిశగా తెలంగాణ ప్రభుత్వం ప్రతిష్టాత్మక ఇందిరమ్మ ఇళ్ల పథకాన్ని వేగవంతం చేసింది. ఇప్పటికే దరఖాస్తుల స్వీకరణ కొనసాగుతుండగా, తొలి దశలో నగరంలోని 17 నియోజకవర్గాల్లో మొత్తం 7,680 ఫ్లాట్ల నిర్మాణానికి ప్రభుత్వం గ్రీన్ సిగ్నల్ ఇచ్చింది. అర్హులైన లబ్ధిదారులు ఆగస్టు వరకు మీ సేవా కేంద్రాలు, మీ సేవా వాట్సాప్ సేవల ద్వారా దరఖాస్తు చేసుకునే అవకాశం కల్పించింది.
ప్రభుత్వం రూపొందించిన ప్రణాళిక ప్రకారం ఒక్కో ఫ్లాట్ను 528 చదరపు అడుగుల విస్తీర్ణంలో, 400 చదరపు అడుగుల కార్పెట్ ఏరియాతో నిర్మించనున్నారు. ఈ ఇళ్లను పూర్తిగా ప్రభుత్వ భూముల్లో నిర్మించి లబ్ధిదారులకు కేటాయిస్తారు. ప్రస్తుతం పేదలు నివసిస్తున్న ప్రాంతాలకు సమీపంలోనే ఈ గృహాలను నిర్మించాలని ప్రభుత్వం నిర్ణయించడం విశేషం.
దరఖాస్తు ప్రక్రియను కూడా సులభతరం చేశారు. అప్లికేషన్ ఫీజు రూ.100 కాగా, రూ.10,000 రీఫండబుల్ డిపాజిట్ చెల్లించాల్సి ఉంటుంది. ఫ్లాట్ కేటాయింపు జరగని పక్షంలో ఈ డిపాజిట్ మొత్తాన్ని ప్రభుత్వం తిరిగి చెల్లిస్తుంది.
ఒక్కో ఫ్లాట్ నిర్మాణ వ్యయం రూ.11 లక్షలుగా ప్రభుత్వం అంచనా వేసింది. ఇందులో రూ.5 లక్షలను రాష్ట్ర ప్రభుత్వం సబ్సిడీగా భరిస్తుంది. మిగిలిన రూ.6 లక్షలు లబ్ధిదారుడు చెల్లించాల్సి ఉంటుంది. ఖైరతాబాద్, నాంపల్లి, అంబర్పేట్, కూకట్పల్లి, మేడ్చల్, సనత్నగర్, సికింద్రాబాద్, మలక్పేట్, రాజేంద్రనగర్, మహేశ్వరం, శేరిలింగంపల్లి, మల్కాజ్గిరి, ఇబ్రహీంపట్నం తదితర ప్రాంతాల్లోని ప్రభుత్వ భూములను గుర్తించి నిర్మాణ పనులు ప్రారంభించేందుకు అధికారులు చర్యలు చేపడుతున్నారు.
ఈ పథకంపై ముఖ్యమంత్రి రేవంత్ రెడ్డి స్పందిస్తూ, ప్రతి కుటుంబానికి సొంత ఇల్లు కల్పించడం ప్రభుత్వ ప్రధాన లక్ష్యమని తెలిపారు. హైదరాబాద్లో భూముల ధరలు భారీగా పెరిగిన నేపథ్యంలో పేదలకు నగరంలోనే విలువైన ఇల్లు అందించేందుకు వందల కోట్ల రూపాయల విలువైన ప్రభుత్వ భూములను ఉచితంగా కేటాయిస్తున్నామని చెప్పారు. పేదలు తమ ఉపాధికి దూరం కాకుండా, వారు నివసిస్తున్న ప్రాంతాలకు సమీపంలోనే ఇళ్లు నిర్మించి ఇవ్వడం ద్వారా వారి జీవన ప్రమాణాలను మెరుగుపరచడమే ప్రభుత్వ ఉద్దేశమని పేర్కొన్నారు.
ఈ వార్తలు కూడా చదవండి..
ప్రధాన్ రాజీనామా చేయకపోతే మోదీ రాజీనామా డిమాండ్: అభిజీత్ దీప్కే
ఆదిలాబాద్ ఎయిర్పోర్టుపై స్పష్టత కోరిన రైతులు.. భూసేకరణపై అధికారులకు డిమాండ్
ఇరాన్పై ఇప్పుడే భారీ దాడులు లేవు.. ట్రంప్ కీలక ప్రకటన!
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS