జన నాయగన్ ఫస్ట్ డే ఫస్ట్ షో చూసిన త్రిష.. విజయ్ చివరి సినిమాపై చేసిన ఎమోషనల్ పోస్ట్ సోషల్ మీడియాలో వైరల్ అవుతోంది. తమిళనాడు ముఖ్యమంత్రి విజయ్ రాజకీయా
జన నాయగన్ ఫస్ట్ డే ఫస్ట్ షో చూసిన త్రిష.. విజయ్ చివరి సినిమాపై చేసిన ఎమోషనల్ పోస్ట్ సోషల్ మీడియాలో వైరల్ అవుతోంది.
తమిళనాడు ముఖ్యమంత్రి విజయ్ రాజకీయాల్లో పూర్తిస్థాయిలో అడుగుపెట్టే ముందు హీరోగా నటించిన చివరి చిత్రం ‘జన నాయగన్’ ప్రేక్షకుల ముందుకు వచ్చింది. ఎన్నో అంచనాల మధ్య విడుదలైన ఈ సినిమాకు తొలి షో నుంచే సానుకూల స్పందన లభిస్తోంది. అభిమానులతో పాటు సినీ ప్రముఖులు కూడా ఈ చిత్రాన్ని థియేటర్లలో వీక్షించి తమ అభిప్రాయాలను సోషల్ మీడియాలో పంచుకుంటున్నారు.
ఈ క్రమంలో ప్రముఖ నటి త్రిష కృష్ణన్ కూడా ‘జన నాయగన్’ ఫస్ట్ డే ఫస్ట్ షోను మిస్ కాలేదు. చెన్నైలోని రోహిణి థియేటర్లో తన తల్లితో పాటు స్నేహితులతో కలిసి సినిమాను వీక్షించారు. సినిమా ముగిసిన అనంతరం థియేటర్ నుంచి బయటకు వస్తూ ఆమె నవ్వుతూ కనిపించిన వీడియోలు ప్రస్తుతం సోషల్ మీడియాలో వైరల్ అవుతున్నాయి.
సినిమా చూసిన తర్వాత త్రిష తన సోషల్ మీడియా ఖాతాలో “One Last Time… One Last Dance” అంటూ భావోద్వేగ పోస్ట్ షేర్ చేసింది. విజయ్తో తన సినీ ప్రయాణాన్ని గుర్తు చేస్తూ చేసిన ఈ పోస్ట్ అభిమానులను ఆకట్టుకుంటోంది. అదే సమయంలో ఆమె స్నేహితురాలు ప్రియ శ్యామ్ కూడా “త్రిషా కృష్ణన్, నిరుపమ ఎన్లతో కలిసి ప్రాణాలతో బయటపడ్డాను” అంటూ థియేటర్ వద్ద అభిమానుల భారీ రద్దీని సరదాగా ప్రస్తావిస్తూ పోస్ట్ చేయడం వైరల్గా మారింది.
‘జన నాయగన్’ చిత్రంలో విజయ్ సరసన పూజా హెగ్డే హీరోయిన్గా నటించగా, మమితా బైజు కీలక పాత్రలో కనిపించారు. బాలీవుడ్ నటుడు బాబీ డియోల్ ప్రతినాయకుడి పాత్ర పోషించారు. ఈ సినిమా విజయ్ హీరోగా నటించిన చివరి చిత్రం కావడంతో అభిమానుల్లో ప్రత్యేక భావోద్వేగాన్ని కలిగిస్తోంది.
త్రిష, విజయ్ జోడీకి తమిళ సినీ పరిశ్రమలో ప్రత్యేక క్రేజ్ ఉంది. గతంలో ఇద్దరూ కలిసి ‘లియో’ చిత్రంలో నటించి ప్రేక్షకులను అలరించారు. ప్రస్తుతం త్రిష తెలుగు, తమిళ భాషల్లో వరుస సినిమాలతో బిజీగా కొనసాగుతోంది. మరోవైపు ‘జన నాయగన్’ విడుదలతో విజయ్ సినీ ప్రయాణానికి భావోద్వేగ ముగింపు లభించిందంటూ అభిమానులు సోషల్ మీడియాలో పోస్టులు చేస్తున్నారు.
ఈ వార్తలు కూడా చదవండి..
చెన్నై లవ్స్టోరీ మూవీ రివ్యూ: కిరణ్ అబ్బవరం ఫీల్గుడ్ లవ్ స్టోరీతో మెప్పించాడా?
ప్రజాదర్బార్లో ప్రజలను ఆప్యాయంగా పలకరించిన మంత్రి లోకేశ్.. వినతులు స్వీకరణ
26 రోజుల దీక్ష ముగించిన సోనమ్ వాంగ్చుక్.. ‘ఆకలి రుచే గొప్పది’ వ్యాఖ్య వైరల్
నేడు తెలంగాణలో విద్యాసంస్థల బంద్.. పరీక్షలు వాయిదా, స్కూళ్లకు సెలవు
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS