తుంగభద్ర జలాల విషయంలో తెలంగాణ హక్కులను కాపాడాలని సీఎం రేవంత్ రెడ్డికి హరీశ్ రావు లేఖ రాశారు. కర్ణాటక అక్రమ ప్రాజెక్టులను అడ్డుకోవాలని డిమాండ్ చేశారు.
తుంగభద్ర జలాల విషయంలో తెలంగాణ హక్కులను కాపాడాలని సీఎం రేవంత్ రెడ్డికి హరీశ్ రావు లేఖ రాశారు. కర్ణాటక అక్రమ ప్రాజెక్టులను అడ్డుకోవాలని డిమాండ్ చేశారు.
తుంగభద్ర జలాల విషయంలో తెలంగాణ ప్రయోజనాలను తాకట్టు పెట్టే ప్రయత్నాలు జరుగుతున్నాయంటూ బీఆర్ఎస్ ఎమ్మెల్యే, మాజీ మంత్రి టి. హరీశ్ రావు ముఖ్యమంత్రి రేవంత్ రెడ్డిపై తీవ్ర విమర్శలు చేశారు. ఈ మేరకు ముఖ్యమంత్రికి బహిరంగ లేఖ రాసిన హరీశ్ రావు, కర్ణాటక ప్రభుత్వం తుంగభద్ర నదిపై చేపడుతున్న ప్రాజెక్టులను అడ్డుకోవడంలో రాష్ట్ర ప్రభుత్వం విఫలమైందని ఆరోపించారు. ఆర్డీఎస్, తుమ్మిళ్ల, భీమా వంటి కీలక సాగునీటి పథకాల భవిష్యత్తు ప్రమాదంలో పడే పరిస్థితి ఏర్పడిందని ఆయన పేర్కొన్నారు.
తెలంగాణ రాష్ట్రం ఏర్పడక ముందు కృష్ణా, గోదావరి జలాల్లో జరిగిన అన్యాయాల కారణంగా లక్షల ఎకరాల భూములు సాగుకు నోచుకోలేదని గుర్తుచేసిన హరీశ్ రావు, రాష్ట్ర ఆవిర్భావం తర్వాత బీఆర్ఎస్ ప్రభుత్వం నీటి వనరుల వినియోగంపై ప్రత్యేక దృష్టి సారించిందన్నారు. అయితే ప్రస్తుత కాంగ్రెస్ ప్రభుత్వం తెలంగాణ జల హక్కులను పరిరక్షించడంలో నిర్లక్ష్యం ప్రదర్శిస్తోందని విమర్శించారు.
కర్ణాటక ప్రభుత్వం కురిడి, చిక్కాలపర్వి, చిక్కాలమంచి వంటి బ్యారేజీలు మరియు ఎత్తిపోతల పథకాలను నిర్మిస్తుండగా రాష్ట్ర ప్రభుత్వం ఎందుకు స్పందించడం లేదని ప్రశ్నించారు. ఈ ప్రాజెక్టులు పూర్తయితే రాజోలిబండ డైవర్షన్ స్కీమ్కు వచ్చే నీటి ప్రవాహాలు గణనీయంగా తగ్గిపోతాయని, దాని ప్రభావం వేలాది మంది రైతులపై పడుతుందని హెచ్చరించారు. కేంద్ర జలశక్తి శాఖ, సెంట్రల్ వాటర్ కమిషన్, కేఆర్ఎంబీ దృష్టికి ఈ అంశాన్ని వెంటనే తీసుకెళ్లాలని డిమాండ్ చేశారు.
అంతేకాకుండా అవసరమైతే కర్ణాటక అక్రమ ప్రాజెక్టులపై సుప్రీంకోర్టును ఆశ్రయించాలని సూచించారు. కొడంగల్ లిఫ్ట్ ఇరిగేషన్ స్కీమ్ కోసం తెలంగాణ జల హక్కులను బేరసారాల అంశంగా మార్చలేదని ప్రభుత్వం స్పష్టం చేయాలని కోరారు. తెలంగాణ రైతాంగ ప్రయోజనాల కోసం, రాష్ట్ర జల హక్కుల పరిరక్షణ కోసం బీఆర్ఎస్ పోరాటం కొనసాగిస్తుందని హరీశ్ రావు స్పష్టం చేశారు.
ఈ వార్తలు కూడా చదవండి…
ఏపీలో వర్షాల అలర్ట్.. ఉరుములు, మెరుపులతో వానలు
SIRపై రేవంత్ ఫైర్.. ఎమ్మెల్యేలకు స్ట్రాంగ్ వార్నింగ్
పాలమూరు-రంగారెడ్డి ప్రాజెక్టుకు ఊపు.. భూసేకరణ ప్రారంభం
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS