నీట్ 2026 రీ టెస్ట్కు ముందు టెలిగ్రామ్పై కేంద్రం విధించిన తాత్కాలిక ఆంక్షలను సవాలు చేస్తూ ఢిల్లీ హైకోర్టును ఆశ్రయించింది. అసలు వివాదం ఏంటో తెలుసుకోం
నీట్ 2026 రీ టెస్ట్కు ముందు టెలిగ్రామ్పై కేంద్రం విధించిన తాత్కాలిక ఆంక్షలను సవాలు చేస్తూ ఢిల్లీ హైకోర్టును ఆశ్రయించింది. అసలు వివాదం ఏంటో తెలుసుకోండి.
నీట్ యూజీ 2026 పేపర్ లీక్ వివాదం దేశవ్యాప్తంగా తీవ్ర చర్చకు దారితీసిన నేపథ్యంలో కేంద్ర ప్రభుత్వం కీలక నిర్ణయం తీసుకుంది. జూన్ 21న జరగనున్న నీట్ రీ టెస్ట్కు ముందు ప్రశ్నాపత్రాల లీకేజీ, తప్పుడు సమాచారం వ్యాప్తిని అరికట్టేందుకు టెలిగ్రామ్ సేవలపై తాత్కాలిక ఆంక్షలు విధించింది. పరీక్ష పూర్తయ్యే వరకు ఈ పరిమితులు అమల్లో ఉంటాయని అధికారులు ప్రకటించారు. అయితే ఈ నిర్ణయాన్ని సవాలు చేస్తూ టెలిగ్రామ్ ఢిల్లీ హైకోర్టును ఆశ్రయించడం కొత్త మలుపు తీసుకొచ్చింది.
నేషనల్ టెస్టింగ్ ఏజెన్సీ (NTA) సిఫార్సు మేరకు కేంద్ర ప్రభుత్వం ఈ చర్యలు చేపట్టినట్లు సమాచారం. టెలిగ్రామ్లోని కొన్ని గ్రూపులు పరీక్షలకు సంబంధించిన తప్పుడు ప్రశ్నాపత్రాలు విక్రయించడం, పరీక్ష అనంతరం మెసేజ్లను ఎడిట్ చేసి పేపర్ లీక్ జరిగినట్లు ప్రచారం చేయడం వంటి చర్యలకు పాల్పడుతున్నట్లు దర్యాప్తు సంస్థలు గుర్తించాయని అధికారులు పేర్కొన్నారు. ఈ నేపథ్యంలో మెసేజ్ ఎడిటింగ్ ఫీచర్ను కూడా తాత్కాలికంగా నిలిపివేయాలని నిర్ణయించారు.
అయితే టెలిగ్రామ్ వ్యవస్థాపకుడు పావెల్ దురోవ్ ఈ నిర్ణయాన్ని తీవ్రంగా విమర్శించారు. కొద్దిమంది దుర్వినియోగం చేస్తున్నారని చెప్పి కోట్లాది సాధారణ వినియోగదారులపై ఆంక్షలు విధించడం సరైన విధానం కాదన్నారు. ఒక యాప్ను నిషేధించడం ద్వారా పేపర్ లీక్లను పూర్తిగా అరికట్టలేమని, దుర్వినియోగదారులు ఇతర ప్లాట్ఫామ్లను కూడా ఉపయోగించే అవకాశం ఉందని ఆయన అభిప్రాయపడ్డారు.
కేంద్రం ఆదేశాల మేరకు గూగుల్, యాపిల్ యాప్ స్టోర్లలో టెలిగ్రామ్ అందుబాటుపై కూడా తాత్కాలిక ప్రభావం పడినట్లు వార్తలు వస్తున్నాయి. ఇదే సమయంలో విద్యార్థుల భవిష్యత్తు దృష్ట్యా పరీక్షల పారదర్శకత కోసం ప్రభుత్వం తీసుకున్న చర్యలను కొందరు సమర్థిస్తుండగా, డిజిటల్ స్వేచ్ఛపై ఆంక్షలుగా మరికొందరు విమర్శిస్తున్నారు.
ఇప్పుడు ఈ వ్యవహారం ఢిల్లీ హైకోర్టు ముందుకు వెళ్లడంతో కేంద్ర ప్రభుత్వ నిర్ణయంపై కీలక న్యాయపరమైన చర్చ జరగనుంది. కోర్టు తీర్పు కేవలం టెలిగ్రామ్కే కాకుండా భవిష్యత్తులో డిజిటల్ ప్లాట్ఫామ్ల నియంత్రణకు కూడా మార్గదర్శకంగా మారే అవకాశం ఉంది.
ఈ వార్తలు కూడా చదవండి…
గ్యాస్ సబ్సిడీ ఆగిపోతుందా?.. జూన్ 30లోపు ఈ-KYC చేయకపోతే భారీ షాక్!
హైడ్రాకు హైకోర్టు షాక్.. ప్రైవేట్ భూమిలోకి ఎందుకు వెళ్లారంటూ రంగనాథ్పై ఆగ్రహం
ITR గడువు మారింది.. జులై 31 కాదు.. మీ రిటర్న్ ఎప్పటిలోపు ఫైల్ చేయాలో తెలుసా?
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి !
COMMENTS