తెలంగాణలో SIR ప్రక్రియ వేగంగా కొనసాగుతోంది. ఓటర్ల ఎన్యుమరేషన్ ఫారాల పంపిణీ 100% పూర్తికాగా, డిజిటలైజేషన్ 68.29% పూర్తైంది. యాదాద్రి జిల్లా తొలి స్థానం
తెలంగాణలో SIR ప్రక్రియ వేగంగా కొనసాగుతోంది. ఓటర్ల ఎన్యుమరేషన్ ఫారాల పంపిణీ 100% పూర్తికాగా, డిజిటలైజేషన్ 68.29% పూర్తైంది. యాదాద్రి జిల్లా తొలి స్థానంలో నిలిచింది.
తెలంగాణలో స్పెషల్ ఇంటెన్సివ్ రివిజన్ (SIR) ప్రక్రియ వేగంగా కొనసాగుతోంది. రాష్ట్రవ్యాప్తంగా నమోదైన 3,38,26,448 మంది ఓటర్లకు ఎన్యుమరేషన్ ఫారాల పంపిణీని ఎన్నికల యంత్రాంగం పూర్తిస్థాయిలో పూర్తి చేసింది. ఫారాల పంపిణీ 100 శాతం పూర్తికాగా, వాటి డిజిటలైజేషన్ ప్రక్రియ కూడా వేగంగా కొనసాగుతోంది. మంగళవారం సాయంత్రం 6 గంటల వరకు మొత్తం 2,31,01,644 ఎన్యుమరేషన్ ఫారాలు డిజిటలైజ్ చేయబడగా, ఇది మొత్తం ప్రక్రియలో 68.29 శాతానికి సమానమని రాష్ట్ర ప్రధాన ఎన్నికల అధికారి (CEO) కార్యాలయం వెల్లడించింది.
జిల్లాల వారీగా పరిశీలిస్తే యాదాద్రి భువనగిరి జిల్లా 90.33 శాతం డిజిటలైజేషన్తో రాష్ట్రంలో తొలి స్థానంలో నిలిచింది. సిద్దిపేట 85.59 శాతం, నల్లగొండ 84.51 శాతం, కొమురంభీం ఆసిఫాబాద్ 84.09 శాతం, మెదక్ 84.03 శాతం డిజిటలైజేషన్ పూర్తి చేసి టాప్ జిల్లాల జాబితాలో నిలిచాయి. జనగామ, మహబూబాబాద్, కామారెడ్డి, ములుగు, నిజామాబాద్, సూర్యాపేట, ఆదిలాబాద్, జగిత్యాల, పెద్దపల్లి, గద్వాల జిల్లాలు కూడా 80 శాతానికి పైగా డిజిటలైజేషన్ పూర్తి చేసి పురోగతిని నమోదు చేశాయి.
ఈ సందర్భంగా రాష్ట్ర ప్రధాన ఎన్నికల అధికారి సీ. సుదర్శన్ రెడ్డి జిల్లా ఎన్నికల అధికారులు, జీహెచ్ఎంసీ కమిషనర్తో వీడియో కాన్ఫరెన్స్ నిర్వహించి పలు కీలక సూచనలు చేశారు. వీవీఐపీలు, వీఐపీల పేర్లు ఓటరు జాబితాలో తప్పనిసరిగా ఉండేలా ప్రత్యేకంగా పరిశీలించాలని ఆదేశించారు. అలాగే గైర్హాజరైన, మరణించిన లేదా నివాసం మార్చుకున్న ఓటర్ల వివరాలను క్షుణ్ణంగా పరిశీలించి రికార్డులను నవీకరించాలని సూచించారు.
ఆన్లైన్లో ఎన్యుమరేషన్ ఫారాలు సమర్పించిన ఓటర్లను హార్డ్కాపీ కోసం ఇబ్బంది పెట్టవద్దని బూత్ లెవల్ అధికారులకు (BLOలు) స్పష్టమైన ఆదేశాలు జారీ చేశారు. పారదర్శకంగా, వేగంగా SIR ప్రక్రియను పూర్తి చేసి ఖచ్చితమైన ఓటరు జాబితా సిద్ధం చేయడమే ఎన్నికల సంఘం లక్ష్యమని అధికారులు తెలిపారు.
ఈ వార్తలు కూడా చదవండి..
అమరావతి సీడ్ యాక్సెస్ రోడ్డు కేసు.. హైకోర్టు తీర్పు రిజర్వ్
మళ్లీ బలపడుతున్న రుతుపవనాలు.. 3 రోజులు భారీ వర్షాలు, ఐఎండీ హెచ్చరిక
చమురు ధరల షాక్.. భారీ నష్టాల్లో స్టాక్ మార్కెట్, సెన్సెక్స్ 500+ పాయింట్లు డౌన్
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS