నీట్ పరీక్షల కుంభకోణాలు, విద్యార్థుల ఆత్మహత్యలపై రాహుల్ గాంధీ తీవ్ర ఆవేదన వ్యక్తం చేశారు. మోదీ ప్రభుత్వంపై ఘాటు విమర్శలు చేశారు. NEET-2026 దేశవ్యాప్త
నీట్ పరీక్షల కుంభకోణాలు, విద్యార్థుల ఆత్మహత్యలపై రాహుల్ గాంధీ తీవ్ర ఆవేదన వ్యక్తం చేశారు. మోదీ ప్రభుత్వంపై ఘాటు విమర్శలు చేశారు.
NEET-2026 దేశవ్యాప్తంగా నీట్ పరీక్షల వివాదం మరింత రాజకీయ వేడి రేపుతోంది. కాంగ్రెస్ అగ్రనేత Rahul Gandhi తాజాగా నీట్ పరీక్షల రద్దు, విద్యార్థుల ఆత్మహత్యలపై తీవ్ర ఆవేదన వ్యక్తం చేస్తూ కేంద్రంలోని Narendra Modi ప్రభుత్వంపై ఘాటు విమర్శలు చేశారు. పరీక్షల కుంభకోణాలు, అవినీతి, వ్యవస్థ వైఫల్యం కారణంగా విద్యార్థుల భవిష్యత్తు చీకట్లోకి వెళ్లుతోందని ఆయన ఆరోపించారు.
సోషల్ మీడియా వేదిక ఎక్స్లో స్పందించిన రాహుల్ గాంధీ.. లఖింపూర్ ఖేరీకి చెందిన 22 ఏళ్ల హృతిక్ మిశ్రా ఘటనను ప్రస్తావించారు. మూడోసారి నీట్ పరీక్ష రాసిన హృతిక్.. పరీక్ష రద్దు కావడంతో తీవ్ర మనస్తాపానికి గురై ఆత్మహత్య చేసుకున్నాడని పేర్కొన్నారు. అలాగే గోవాలో మరో నీట్ విద్యార్థి కూడా ప్రాణాలు తీసుకున్నాడని గుర్తు చేశారు. “ఇవి సాధారణ ఆత్మహత్యలు కావు.. అవినీతి వ్యవస్థ చేసిన హత్యలు” అంటూ రాహుల్ తీవ్ర వ్యాఖ్యలు చేశారు. విద్యార్థులు పరీక్షల్లో కాదు.. అవినీతి వ్యవస్థ చేతిలో ఓడిపోయారని ఆవేదన వ్యక్తం చేశారు.
2015 నుంచి 2026 వరకు దేశవ్యాప్తంగా 148 పరీక్షల కుంభకోణాలు వెలుగులోకి వచ్చాయని రాహుల్ గాంధీ ఆరోపించారు. అందులో 87 పరీక్షలు రద్దయ్యాయని, దాదాపు 9 కోట్ల మంది విద్యార్థుల భవిష్యత్తు ప్రభావితమైందని తెలిపారు. ముఖ్యంగా NEET, AIPMT వంటి వైద్య ప్రవేశ పరీక్షల్లోనే అనేక అవకతవకలు జరిగినప్పటికీ.. బాధ్యులపై కఠిన చర్యలు తీసుకోలేదని విమర్శించారు. సీబీఐ, ఈడీ కేసులు నమోదైనా.. రాజకీయ, పరిపాలనా స్థాయిలో ఎవరూ బాధ్యత వహించడం లేదని అన్నారు.
మోదీ ప్రభుత్వంపై తీవ్ర విమర్శలు గుప్పించిన రాహుల్ గాంధీ.. “మోసాలకు పాల్పడినవారికి రక్షణ, పరీక్షలు రాసే విద్యార్థులకు నిరాశ” అనే పరిస్థితి నెలకొందని పేర్కొన్నారు. విద్యార్థుల భవిష్యత్తును దెబ్బతీసే అవినీతి వ్యవస్థపై పోరాటం కొనసాగుతుందని స్పష్టం చేశారు. “ఇంకా ఎంతమంది విద్యార్థులు బలైపోతే ప్రభుత్వం మేల్కొంటుంది?” అని ప్రశ్నించిన రాహుల్.. బాధ్యులను ఎట్టి పరిస్థితుల్లోనూ వదిలిపెట్టబోమన్నారు.
నీట్ పరీక్షలపై ఇప్పటికే దేశవ్యాప్తంగా విద్యార్థులు, తల్లిదండ్రుల్లో తీవ్ర ఆందోళన నెలకొన్న వేళ.. రాహుల్ గాంధీ వ్యాఖ్యలు ఇప్పుడు జాతీయ రాజకీయాల్లో కొత్త చర్చకు దారితీశాయి.
ఈ వార్తలు కూడా చదవండి…
బండి సంజయ్ కోర్టుకు.. సోషల్ మీడియాపై కీలక ఆదేశాలు.
బండి భగీరథ్ POCSO కేసు.. అరెస్ట్ ఆలస్యం ఎందుకు?
ఏపీ, తెలంగాణకు భారీ వర్ష సూచన.. ఐఎండీ అలర్ట్
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime News తో కలసి ఉండండి!
COMMENTS