నేషనల్ హెరాల్డ్ కేసులో సోనియా గాంధీ, రాహుల్ గాంధీలపై ఈడీ ఛార్జ్షీట్ను పరిగణనలోకి తీసుకోనని రౌస్ అవెన్యూ కోర్టు స్పష్టం చేసింది. National Herald Cas
నేషనల్ హెరాల్డ్ కేసులో సోనియా గాంధీ, రాహుల్ గాంధీలపై ఈడీ ఛార్జ్షీట్ను పరిగణనలోకి తీసుకోనని రౌస్ అవెన్యూ కోర్టు స్పష్టం చేసింది.
National Herald Case: నేషనల్ హెరాల్డ్ కేసులో కాంగ్రెస్ అగ్రనేతలు సోనియా గాంధీ, రాహుల్ గాంధీలకు పెద్ద ఊరట లభించింది. ఈ కేసులో ఈడీ (ఎన్ఫోర్స్మెంట్ డైరెక్టరేట్) దాఖలు చేసిన ఛార్జ్షీట్ను పరిగణనలోకి తీసుకునేందుకు దిల్లీలోని రౌస్ అవెన్యూ కోర్టు నిరాకరించింది. మనీలాండరింగ్ నిరోధక చట్టం (PMLA) కింద ఈడీ వేసిన ఫిర్యాదును కొనసాగించలేమని ప్రత్యేక న్యాయమూర్తి విశాల్ గోగ్నే స్పష్టం చేశారు. ప్రైవేట్ వ్యక్తి ఫిర్యాదు ఆధారంగా ఈడీ ఈ కేసును నమోదు చేసి దర్యాప్తు చేయడం చట్టపరంగా నిలదొక్కుకోదని కోర్టు అభిప్రాయపడింది.
ఈ కేసులో ఇప్పటికే దిల్లీ ఆర్థిక నేరాల విభాగం (EOW) ఎఫ్ఐఆర్ నమోదు చేసిన విషయాన్ని కోర్టు గుర్తుచేసింది. అలాంటి పరిస్థితుల్లో ఈడీ ఛార్జ్షీట్ ఆధారంగా ముందుకెళ్లడం తొందరపాటు చర్యగా పేర్కొంది. అయితే, ఈడీ దర్యాప్తును కొనసాగించవచ్చని కోర్టు స్పష్టత ఇచ్చింది. తుది ఉత్తర్వులు వెలువడిన తర్వాతే ఈ కేసు భవిష్యత్ దిశపై పూర్తి క్లారిటీ వచ్చే అవకాశం ఉంది.
కోర్టు తీర్పుపై కాంగ్రెస్ తీవ్రంగా స్పందించింది. మోదీ ప్రభుత్వ రాజకీయ దురుద్దేశం పూర్తిగా బయటపడిందని కాంగ్రెస్ ఆరోపించింది. ఈడీ చర్యలు చట్టవిరుద్ధమని, అధికార పరిధి లేకుండా కేసును నడిపించారని కోర్టు గుర్తించిందని కాంగ్రెస్ నేత సుప్రియా శ్రీనేట్ తెలిపారు. ఎఫ్ఐఆర్ లేకుండా కేసు ఉండదని కోర్టు చెప్పిందని, గత దశాబ్ద కాలంగా ప్రధాన ప్రతిపక్షంపై బీజేపీ ప్రభుత్వం చేసిన రాజకీయ కుట్రలు ప్రజల ముందుకు వచ్చాయని ఆమె వ్యాఖ్యానించారు. కాంగ్రెస్ నాయకత్వం ప్రజాస్వామ్య విలువల కోసం పోరాడుతూనే ఉంటుందని స్పష్టం చేశారు.
నేషనల్ హెరాల్డ్ కేసు చరిత్రను పరిశీలిస్తే, 1938లో జవహర్లాల్ నెహ్రూ స్థాపించిన ఈ చారిత్రక పత్రికపై 2012లో బీజేపీ నేత సుబ్రమణియన్ స్వామి పిటిషన్ దాఖలు చేశారు. అనంతరం అసోసియేటెడ్ జర్నల్స్ లిమిటెడ్ (AJL) సంస్థలో మనీలాండరింగ్ జరిగిందని ఈడీ ఆరోపించింది. యంగ్ ఇండియన్ లిమిటెడ్ ద్వారా AJLకు చెందిన ఆస్తులు తక్కువ ధరకు బదిలీ అయ్యాయని ఈడీ వాదించింది. 2021 నుంచి దర్యాప్తు చేపట్టిన ఈడీ, 2025 ఏప్రిల్ 9న సోనియా గాంధీని ఏ1గా, రాహుల్ గాంధీని ఏ2గా చేర్చుతూ ఛార్జ్షీట్ దాఖలు చేసింది. తాజా కోర్టు తీర్పుతో ఈ కేసు రాజకీయంగానే కాక న్యాయపరంగానూ మరింత చర్చకు దారితీసింది.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS