దగ్గు మందుపై వివాదం.. ప్రిస్క్రిప్షన్పై ఇకపై డాక్టర్లు అలా రాయొద్దని సుప్రీం ఆదేశాలు ప్రజారోగ్యంపై ఔషధ మాఫియా పంజారాష్ట్రంలో ఆరోగ్యం అనేది పౌరుల ప్ర
దగ్గు మందుపై వివాదం.. ప్రిస్క్రిప్షన్పై ఇకపై డాక్టర్లు అలా రాయొద్దని సుప్రీం ఆదేశాలు
ప్రజారోగ్యంపై ఔషధ మాఫియా పంజా
రాష్ట్రంలో ఆరోగ్యం అనేది పౌరుల ప్రాథమిక హక్కుగా కాకుండా, కొందరి లాభాలార్జన వ్యాపారానికి వేదికగా మారింది. ఔషధాల ఉత్పత్తిలో ‘ఫార్మా హబ్’గా పేరుగాంచిన హైదరాబాద్లో కూడా ఆసుపత్రుల నుంచి తయారీ కేంద్రాల వరకు అడ్డగోలు మార్కెటింగ్ పద్ధతులు రాజ్యమేలుతున్నాయి. ప్రజల ప్రాణాలతో ఆడుకుంటూ, ఔషధ మాఫియా లాభాల కోసం వ్యవస్థను నియంత్రిస్తున్నదన్న వాస్తవం ఇప్పుడు బహిర్గతమవుతోంది.
విషతుల్య దగ్గు మందులు దేశాన్ని కదిలించిన ఘటన
ఇటీవల రాజస్థాన్, మధ్యప్రదేశ్లలో కలుషితమైన డైథైలిన్ గ్లైకాల్ (DEG) కలిగిన దగ్గు సిరప్ కారణంగా చిన్నారులు మరణించడం దేశాన్ని ఉలిక్కిపడేలా చేసింది. తెలంగాణ డ్రగ్స్ కంట్రోల్ అడ్మినిస్ట్రేషన్ (DCA) వెంటనే ‘Stop Use Notice’ జారీ చేయాల్సిన పరిస్థితి ఏర్పడింది. ఈ ఘటన మందుల నాణ్యత నియంత్రణలో ఉన్న లోపాలను స్పష్టంగా చూపించింది.
హాస్పిటల్-డాక్టర్-ఫార్మసీ బంధం
ఆసుపత్రుల్లో రోగులకు సూచించే మందులు, వాటి విక్రయ కేంద్రాలు అన్నీ పరస్పర లాభాల సంబంధాల ఆధారంగా నడుస్తున్నాయనే విమర్శలు పెరుగుతున్నాయి. వైద్యులు తక్కువ ధరలో లభించే జనరిక్ మందులను కాకుండా, అధిక ధర పలికే బ్రాండెడ్ ఔషధాలను సూచించడం వల్ల రోగులు ఆర్థికంగా ఇబ్బందులు పడుతున్నారు.
అస్పష్టమైన ప్రిస్క్రిప్షన్లతో మోసం
చేతిరాతతో అర్థం కాని ప్రిస్క్రిప్షన్లు రాయడం ద్వారా రోగులు బయటి ఫార్మసీల్లో మందులు కొనలేకపోతున్నారు. దీంతో రోగులు ఆసుపత్రి ఫార్మసీలకే పరిమితమైపోతున్నారు. ఇది రోగి హక్కుల ఉల్లంఘనగా సుప్రీంకోర్టు పేర్కొంది.
సుప్రీం కోర్టు సంచలన ఆదేశాలు
డాక్టర్లు ఇకపై బ్రాండెడ్ పేర్లకు బదులుగా జనరిక్ పేర్లతోనే ఔషధాలు సూచించాలి అని సుప్రీం కోర్టు స్పష్టమైన ఆదేశాలు జారీ చేసింది. జస్టిస్ సందీప్ మెహతా వ్యాఖ్యానిస్తూ —
“ఈ ఆదేశం దేశవ్యాప్తంగా అమలైతే, ఔషధ రంగంలో ఉన్న అవకతవకలకు చెక్ పడుతుంది,” అన్నారు.
అలాగే, పంజాబ్-హర్యానా హైకోర్టు కూడా వైద్యులు తమ ప్రిస్క్రిప్షన్లను స్పష్టంగా, పెద్ద అక్షరాలతో రాయాలని ఆదేశించింది. అస్పష్టమైన రాత వల్ల తప్పులు జరిగి రోగి ప్రాణాలు ప్రమాదంలో పడే అవకాశం ఉందని హెచ్చరించింది.
ప్రభుత్వం చేయాల్సిన తక్షణ చర్యలు
టెలంగాణ ప్రభుత్వం తక్షణమే వైద్య ప్రిస్క్రిప్షన్లను డిజిటల్ రూపంలో తప్పనిసరి చేయాలి. వైద్యులు రాసే ప్రతి ఔషధానికి జనరిక్ పేరు స్పష్టంగా ఉండాలి.
అలాగే, ఆసుపత్రులు రోగులను తమ ఫార్మసీల్లోనే మందులు కొనుగోలు చేయమని బలవంతం చేయరాదు. డ్రగ్స్ కంట్రోల్ అడ్మినిస్ట్రేషన్కు స్వతంత్ర అధికారాలు, ఆధునిక సాంకేతిక వనరులు ఇవ్వాలి.
పౌరుల ఆరోగ్య హక్కు కేవలం చట్టబద్ధమైనదే కాదు — ప్రభుత్వానికి అది నైతిక బాధ్యత కూడా. ఔషధ మాఫియా అడ్డగోలు వ్యాపారానికి చెక్ వేసి, ప్రజలకు చవకైన, నాణ్యమైన వైద్య సేవలు అందించడానికి ఇది సరైన సమయం.
— డా. కట్కూరి
సైబర్ సెక్యూరిటీ & న్యాయ నిపుణుడు
Digital Prime News
COMMENTS