ఆస్ట్రేలియా సిడ్నీ బోండీబీచ్లో హనుక్కా వేడుకలపై దాడి చేసినవారు పాకిస్థాన్ మూలాలున్న తండ్రీకొడుకులని దర్యాప్తులో తేలింది. Sydney Bondi Beach Attack:
ఆస్ట్రేలియా సిడ్నీ బోండీబీచ్లో హనుక్కా వేడుకలపై దాడి చేసినవారు పాకిస్థాన్ మూలాలున్న తండ్రీకొడుకులని దర్యాప్తులో తేలింది.
Sydney Bondi Beach Attack: ప్రపంచవ్యాప్తంగా ఉగ్రవాదాన్ని ప్రోత్సహిస్తూ, పెంచి పోషిస్తున్న దేశంగా పాకిస్థాన్పై ఇప్పటికే తీవ్ర ఆరోపణలు ఉన్నాయి. భారత్కే కాదు, ఇతర దేశాలపై కూడా ఉగ్రవాదులను ఉసిగొల్పుతోందన్న విమర్శలు మరోసారి నిజమవుతున్నట్లుగా తాజా ఘటన వెలుగులోకి వచ్చింది. ఆస్ట్రేలియాలోని సిడ్నీ నగరంలో ఉన్న ప్రముఖ పర్యాటక ప్రాంతం బోండీ బీచ్లో (Bondi Beach) జరిగిన కాల్పుల ఘటన అంతర్జాతీయంగా తీవ్ర కలకలం రేపింది.
క్రిస్మస్ సందర్భంగా రద్దీగా ఉండే బోండీ బీచ్ మార్కెట్ ప్రాంతంలో ఆదివారం సాయంత్రం యూదుల హనుక్కా (Hanukkah) ఉత్సవంపై లక్ష్యంగా చేసుకుని ఉగ్రవాదులు కాల్పులు జరిపారు. ఈ భయానక దాడిలో ఒక పోలీసు అధికారి సహా మొత్తం 15 మంది ప్రాణాలు కోల్పోయారు. మరో ఇద్దరు పోలీసులతో పాటు దాదాపు 40 మందికి పైగా తీవ్రంగా గాయపడ్డారు. బాధితుల్లో చిన్నారులు కూడా ఉండటం ఈ ఘటన తీవ్రతను మరింత పెంచింది.
ఈ దాడికి పాల్పడిన ఇద్దరు సాయుధులను తండ్రీ–కొడుకులుగా దర్యాప్తు సంస్థలు గుర్తించాయి. వీరిని 50 ఏళ్ల సాజిద్ అక్రమ్ (Sajid Akram), 24 ఏళ్ల నవీద్ అక్రమ్ (Naveed Akram)గా గుర్తించారు. వీరిద్దరికీ పాకిస్థాన్ మూలాలు ఉన్నట్లు అంతర్జాతీయ మీడియా సంస్థ సీబీఎస్ న్యూస్ వెల్లడించింది. ఘటన సమయంలో పోలీసులు జరిపిన ఎదురు కాల్పుల్లో సాజిద్ అక్రమ్ అక్కడికక్కడే మృతి చెందగా, తీవ్రంగా గాయపడిన నవీద్ ప్రస్తుతం ఆసుపత్రిలో చికిత్స పొందుతున్నాడు.
న్యూసౌత్ వేల్స్ పోలీసులు వెల్లడించిన వివరాల ప్రకారం, సాజిద్ అక్రమ్కు 2015 నుంచి చెల్లుబాటు అయ్యే తుపాకీ లైసెన్స్ ఉంది. అంతేకాదు, అతడు ఓ హంటింగ్ క్లబ్లో సభ్యుడిగా కూడా ఉన్నాడు. దాడి జరిగిన ప్రాంతంలో కరడుగట్టిన ఉగ్రసంస్థ ఐసిస్ (ISIS) జెండా లభించిందన్న ప్రచారం కూడా జరిగింది. అయితే దీనిపై స్పందించేందుకు పోలీసులు ప్రస్తుతానికి నిరాకరించారు. దాడి వెనుక అసలు ఉద్దేశం ఏమిటన్నది దర్యాప్తులో తేలాల్సి ఉందని అధికారులు తెలిపారు.
ఈ ఘటన నేపథ్యంలో ఆస్ట్రేలియా ప్రభుత్వం అప్రమత్తమైంది. ఇలాంటి దాడులు మళ్లీ జరగకుండా ప్రార్థనా మందిరాలు, యూదు సమాజానికి చెందిన ప్రదేశాలు, రద్దీ ప్రాంతాల్లో అదనపు భద్రతా చర్యలు చేపట్టనున్నట్లు అధికారులు ప్రకటించారు. అంతర్జాతీయంగా ఉగ్రవాదంపై పోరాటం మరింత కఠినంగా మారాల్సిన అవసరాన్ని ఈ ఘటన మరోసారి స్పష్టం చేస్తోంది.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS