జూబ్లీహిల్స్ ఆస్తి వేలం కేసులో తెలంగాణ హైకోర్టు తీర్పును సవాలు చేస్తూ నిర్మాత బండ్ల గణేష్ సుప్రీంకోర్టును ఆశ్రయించారు. బ్యాంక్ వేలం ప్రక్రియపై కీలక వా
జూబ్లీహిల్స్ ఆస్తి వేలం కేసులో తెలంగాణ హైకోర్టు తీర్పును సవాలు చేస్తూ నిర్మాత బండ్ల గణేష్ సుప్రీంకోర్టును ఆశ్రయించారు. బ్యాంక్ వేలం ప్రక్రియపై కీలక వాదనలు వినిపించారు.
వేలాన్ని సమర్థిస్తూ తెలంగాణ హైకోర్టు ఇచ్చిన తీర్పును సవాలు చేస్తూ బండ్ల గణేష్ స్పెషల్ లీవ్ పిటిషన్ (SLP) దాఖలు చేశారు. ఈ వ్యవహారం ఇప్పుడు దేశ అత్యున్నత న్యాయస్థానంలో విచారణకు రానుండటంతో కేసు మరో కీలక మలుపు తిరిగింది.
పిటిషన్లో బండ్ల గణేష్ కీలక వాదనలు వినిపించారు. శ్రీ పరమేశ్వర పౌల్ట్రీ ఫామ్ ప్రైవేట్ లిమిటెడ్ పేరుతో తీసుకున్న రుణానికి సంబంధించి ఇప్పటికే వన్ టైమ్ సెటిల్మెంట్ (OTS) కింద రూ.71.44 కోట్లతో పాటు మొత్తం సుమారు రూ.129.02 కోట్ల వరకు బ్యాంక్కు చెల్లించినప్పటికీ, తమ వ్యక్తిగత పూచీకత్తు ఆస్తిని నిబంధనలకు విరుద్ధంగా తక్కువ ధరకు వేలం వేసిందని ఆరోపించారు. బ్యాంక్ చర్యలు చట్టబద్ధం కాదని సుప్రీంకోర్టు దృష్టికి తీసుకెళ్లారు.
ఈ కేసు గతంలో రుణ వసూళ్ల ట్రైబ్యునల్ (DRT) ముందుకు వెళ్లింది. అప్పట్లో ట్రైబ్యునల్ వేలం ప్రక్రియను రద్దు చేస్తూ, స్వాధీనం చేసుకున్న ఆస్తిని తిరిగి యజమానులకు అప్పగించాలని ఆదేశించింది. అలాగే వేలంలో ఆస్తి కొనుగోలు చేసిన వ్యక్తికి చెల్లించిన మొత్తాన్ని వడ్డీతో సహా తిరిగి చెల్లించాలని కూడా పేర్కొంది. అయితే ఈ నిర్ణయాన్ని యూనియన్ బ్యాంక్ తెలంగాణ హైకోర్టులో సవాలు చేయగా, హైకోర్టు ట్రైబ్యునల్ ఉత్తర్వులను కొట్టివేసి బ్యాంక్ వేలం ప్రక్రియను సమర్థించింది.
హైకోర్టు తీర్పుతో అసంతృప్తి చెందిన బండ్ల గణేష్ ఇప్పుడు సుప్రీంకోర్టును ఆశ్రయించారు. బ్యాంక్ చర్యలు, వేలం ప్రక్రియ, రుణ చెల్లింపులపై ఇరు వర్గాల వాదనలు అత్యున్నత న్యాయస్థానం ముందు వినిపించనున్నాయి. ఈ కేసులో సుప్రీంకోర్టు ఇచ్చే తీర్పు బ్యాంకింగ్ రికవరీ, తనఖా ఆస్తుల వేలం ప్రక్రియలకు సంబంధించి కీలక మార్గదర్శకంగా నిలిచే అవకాశముందని న్యాయ నిపుణులు అభిప్రాయపడుతున్నారు.
ఈ వార్తలు కూడా చదవండి..
తెలంగాణ ఓటర్లకు గుడ్న్యూస్.. SIR గడువు పొడిగింపు, కొత్త షెడ్యూల్ విడుదల!
సైబర్ బాధితులకు గుడ్న్యూస్.. పోయిన డబ్బు తిరిగి ఖాతాలోకి!
ఏపీ ప్రభుత్వాన్ని చూసి నేర్చుకోవాలి.. రేవంత్పై కేటీఆర్ సంచలన వ్యాఖ్యలు
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
COMMENTS