చెక్డ్యామ్లు పేల్చేస్తున్న కాంగ్రెస్ ప్రభుత్వం, హామీల ఎగవేతలే పని అని కేటీఆర్ విమర్శలు. రేవంత్ రెడ్డిపై తీవ్ర వ్యాఖ్యలు. KTR V/S Revanth Reddy: తెల
చెక్డ్యామ్లు పేల్చేస్తున్న కాంగ్రెస్ ప్రభుత్వం, హామీల ఎగవేతలే పని అని కేటీఆర్ విమర్శలు. రేవంత్ రెడ్డిపై తీవ్ర వ్యాఖ్యలు.
KTR V/S Revanth Reddy: తెలంగాణ రాజకీయాల్లో అధికార కాంగ్రెస్, ప్రతిపక్ష బీఆర్ఎస్ మధ్య మాటల యుద్ధం మరింత ముదురుతోంది. బీఆర్ఎస్ కార్యనిర్వాహక అధ్యక్షుడు కేటీఆర్ మరోసారి కాంగ్రెస్ ప్రభుత్వం, ముఖ్యమంత్రి రేవంత్ రెడ్డిపై తీవ్ర స్థాయిలో విమర్శలు గుప్పించారు. మేడిగడ్డ ప్రాజెక్టును బీఆర్ఎస్ కూల్చిందని ఆరోపించిన కాంగ్రెస్ నేతలు, ఇప్పుడు అధికారంలోకి వచ్చాక చెక్డ్యామ్లను పేల్చేస్తున్నారని కేటీఆర్ ఆరోపించారు. రాష్ట్రంలో కాంగ్రెస్ ప్రభుత్వం అభివృద్ధి కాకుండా కూల్చివేతలు, పేల్చివేతలు, హామీల ఎగవేతలకే పరిమితమైందని మండిపడ్డారు.
శేరిలింగంపల్లి నియోజకవర్గానికి చెందిన పలువురు కాంగ్రెస్ నేతలు బీఆర్ఎస్లో చేరిన సందర్భంగా తెలంగాణ భవన్లో మాట్లాడిన కేటీఆర్, ఎన్నికల సమయంలో ఇచ్చిన హామీలను అమలు చేయడంలో కాంగ్రెస్ ప్రభుత్వం పూర్తిగా విఫలమైందని అన్నారు. అధికారంలోకి రాకముందు ఎన్నో హామీలు ఇచ్చిన సీఎం రేవంత్ రెడ్డి, ఇప్పుడు వాటి గురించి ప్రశ్నిస్తే సమాధానం చెప్పకుండా అసభ్య భాష వాడుతున్నారని తీవ్ర విమర్శలు చేశారు.
రేవంత్ రెడ్డి ప్రజల ఆశీర్వాదంతో కాదు, పేమెంట్ కోటాలోనే సీఎం అయ్యారని కేటీఆర్ సంచలన వ్యాఖ్యలు చేశారు. పెంచుతామని చెప్పిన పింఛన్లు ఎప్పటి నుంచి ఇస్తారో సీఎం స్పష్టంగా చెప్పాలని డిమాండ్ చేశారు. జీహెచ్ఎంసీ ఎన్నికల్లో హైదరాబాద్ ప్రజలు వరుసగా రెండుసార్లు బీఆర్ఎస్కు మద్దతిచ్చారని గుర్తుచేసిన కేటీఆర్, అలాంటి ప్రజలకు పాదాభివందనం చేసినా తక్కువేనని వ్యాఖ్యానించారు.
ముఖ్యమంత్రి భాషను విని తెలంగాణ ప్రజలంతా అసహ్యించుకుంటున్నారని కేటీఆర్ అన్నారు. పాలనపై దృష్టి పెట్టకుండా మాజీ సీఎం కేసీఆర్ను విమర్శించడానికే కాంగ్రెస్ ప్రభుత్వం సమయం వృథా చేస్తోందని ఆరోపించారు. తెలంగాణ రాష్ట్రాన్ని సాధించిన నాయకుడిపై విమర్శలు చేస్తుంటే ఒక కొడుకుగా తనకు ఆవేశం రాకుండా ఎలా ఉంటుందని ప్రశ్నించారు.
‘‘మా నాన్న తెలంగాణ తెచ్చిన మొనగాడు. ఆ పేరు నేను గర్వంగా చెప్పుకుంటా’’ అని కేటీఆర్ స్పష్టం చేశారు. వచ్చే ఎన్నికల్లో కొడంగల్లో రేవంత్ రెడ్డిని ఎమ్మెల్యేగా కూడా గెలవకుండా చేయడమే తమ లక్ష్యమని ప్రకటించారు. పాలమూరు–రంగారెడ్డి ప్రాజెక్ట్ డీపీఆర్ విషయంలో అప్పట్లో కేసీఆర్ ప్రశ్నిస్తే, ఇప్పుడు ఆయన్నే విమర్శించడం అన్యాయమని మండిపడ్డారు.
తెలంగాణ హక్కుల గురించి మాట్లాడితే కాంగ్రెస్కు కోపం ఎందుకు వస్తోందని ప్రశ్నించిన కేటీఆర్, రాష్ట్రాన్ని పాలించే సామర్థ్యం కాంగ్రెస్ ప్రభుత్వానికి లేదని విమర్శించారు. రాబోయే రోజుల్లో మళ్లీ బీఆర్ఎస్ ప్రభుత్వమే వస్తుందని, కేసీఆర్ మరోసారి ముఖ్యమంత్రి కావడం ఖాయమని ఆయన ధీమా వ్యక్తం చేశారు.
ఈ కథనాన్ని Digital Prime News ప్రత్యేకంగా అందిస్తోంది.
తాజా రాజకీయ విశ్లేషణలు, స్పోర్ట్స్ అప్డేట్స్, ఎంటర్టైన్మెంట్, జాతీయ-అంతర్జాతీయ వార్తల కోసం మా వెబ్సైట్ను సందర్శించండి.
Visit: www.digitalprimenews.in
YouTube: Digital Prime News
Facebook: Digital Prime News
Twitter / X: @DigitalPrimeNews
Instagram: @digitalprimenews
ఫాలో అవ్వండి – నిజమైన వార్తలు, వేగంగా అందించే Digital Prime Newsతో కలసి ఉండండి!
COMMENTS