నేపాల్‌లో ఫ్లాష్ ఫ్లడ్స్.. 50 మందికిపైగా తమిళనాడు యాత్రికులు చిక్కుకున్నట్లు సమాచారం

నేపాల్‌లో భారీ వర్షాలు, ఫ్లాష్ ఫ్లడ్స్ కారణంగా కైలాస్ మానస సరోవర్ యాత్రకు వెళ్లిన తమిళనాడు వాసుల్లో 50 మందికిపైగా చిక్కుకున్నట్లు సమాచారం.

నేపాల్‌లో భారీ వర్షాలు, ఆకస్మిక వరదల నేపథ్యంలో కైలాస్ మానస సరోవర్ యాత్రకు వెళ్లిన తమిళనాడు వాసుల్లో 50 మందికిపైగా చిక్కుకున్నట్లు సమాచారం. తంజావూరు, కుంభకోణం, మైలాడుతురై ప్రాంతాలకు చెందిన యాత్రికులు యాత్రలో భాగంగా మూడు కార్లలో ప్రయాణిస్తుండగా ఫ్లాష్ ఫ్లడ్స్ సంభవించినట్లు తెలుస్తోంది.

ఆకస్మికంగా వరద ప్రవాహం పెరగడంతో కొందరు యాత్రికులు టిమురే ప్రాంతంలోని ఆర్మ్డ్ పోలీస్ ఫోర్స్ (APF) అవుట్‌పోస్ట్‌లో ఆశ్రయం పొందినట్లు సమాచారం. భారీ వర్షాల కారణంగా రహదారి మార్గాల్లో రాకపోకలకు అంతరాయం ఏర్పడినట్లు తెలుస్తోంది.

అయితే టిమురే ప్రాంతంలో మొబైల్ కనెక్టివిటీ లేకపోవడం పరిస్థితిని మరింత ఆందోళనకరంగా మార్చింది. యాత్రికులతో వారి కుటుంబ సభ్యులకు సంబంధాలు తెగిపోవడంతో చెన్నైతో పాటు తంజావూరు, కుంభకోణం, మైలాడుతురై ప్రాంతాల్లోని కుటుంబాల్లో ఆందోళన నెలకొంది.

యాత్రికుల పరిస్థితిపై సమాచారం సేకరించేందుకు తమిళనాడు ప్రభుత్వం, సంబంధిత అధికారులు చర్యలు చేపట్టినట్లు తెలుస్తోంది. నేపాల్‌లోని అధికారులతో సమన్వయం చేసుకుంటూ చిక్కుకున్న యాత్రికుల ఆచూకీ, భద్రతపై వివరాలు తెలుసుకునే ప్రయత్నాలు కొనసాగుతున్నాయి.

కైలాస్ మానస సరోవర్ యాత్ర మార్గంలో కొండ ప్రాంతాలు, ఇరుకైన రహదారులు ఉండటంతో భారీ వర్షాల సమయంలో ఫ్లాష్ ఫ్లడ్స్, కొండచరియలు వంటి ప్రకృతి విపత్తుల ప్రమాదం ఉంటుంది. ప్రస్తుతం ప్రతికూల వాతావరణ పరిస్థితుల నేపథ్యంలో యాత్రికుల భద్రతకు ప్రాధాన్యతనిస్తూ సహాయక చర్యలు చేపట్టాల్సిన అవసరం ఉంది.

ఈ వార్తలు కూడా చదవండి..

కొండా సురేఖపై వేటు..? అసెంబ్లీ సమావేశాల్లోపే కాంగ్రెస్ హైకమాండ్ కీలక నిర్ణయం?

ఇరాన్‌తో మా సంబంధాల్లో జోక్యం వద్దు.. అమెరికాకు చైనా స్ట్రాంగ్ వార్నింగ్!

ట్రాఫిక్ చలాన్లకు కొత్త ప్లాన్.. ఫాస్టాగ్ నుంచి నేరుగా డబ్బులు కట్?

40

SHARES

Share on Facebook

Post on X

Follow us